Zëdhënësja e antikorrupsionit në Partinë Demokratike, Genta Vangjeli, ka dalë sot në një deklaratë për mediat ku tha se kryebashkiaku i Tiranës, Erion Veliaj, nuk ndalet me shkeljen e ligjit.
Vangjeli denoncoi sot 57 kontrata publike tenderash që Veliaj, sipas saj, në mënyrë korruptive ka lidhur në shkelje të ligjit me 3 subjekte tregtare.
Pasi paraqiti dokumentet, Vangjeli tha se Veliaj në vend ta skualifikonte ofertën e paraqitur nga kompania në pronësi të një personi të dënuar apo ofertën e paraqitur nga bashkimi i operatorëve (pjesë e të cilit ishte subjekti me pronar të dënuarin), i jep në total rreth 7 milion euro tendera atij së bashku me familjarët e tij.
Deklarata e zëdhënëses së Antikorrupsionit në PD, Genta Vangjeli:
Erjon Veliaj nuk ndalet me shkeljen e ligjit.
Kësaj rradhe denoncojmë 57 kontrata publike tenderash që Veliaj në mënyrë korruptive ka lidhur në shkelje të ligjit me 3 subjekte tregtare.
Subjekti i parë Regli shpk me administrator dhe pronar në shtetas të dënuar nga gjykata me dy vite burg për vjedhjen e 80 milionë lekëve për një tender me objekt: “Sistemimin e përroit, lagjia nr.1, Ura e Madhe-Krujë.
Subjekti i dytë “MC Catering shpk” në pronësi të personit të dënuar përmendur më lart deri 2012 dhe aktualisht në pronësi të djalit të tij.
Subjekti i tretë që ka ndërruar 3 herë emrin aktualisht “Eagle Cons shpk” ( ish Eglenti shpk , ish 2 Binjaket) në pronësi të vajzës së të dënuarit.
Kompania e kapur në vjedhje me tender në 2018 për të cilën u dënua administratori njëherësh pronari i saj, nuk e ka penguar Erjon Veliajn të lidhë këto kontrata:
Sipas Open Corporates Albania, Regli shpk në bashkëpunim me “MC catering shpk” përfituan 14 kontrata me vlerë totale 3 milion euro pa tvsh;
“Regli shpk” në bashkëpunim me “MC catering shpk” dhe “Eglenti shpk” përfituan 9 tendera vlera totale 2.3 milion euro pa tvsh;
“MC catering shpk” i vetëm 23 procedura total 1.4 milion euro;
“Eglenti shpk” i vetëm 11 procedura vlera total 489 mijë euro.
Kështu pra, Veliaj në vend ta skualifikonte ofertën e paraqitur nga kompania në pronësi të të dënuarit apo ofertën e paraqitur nga bashkimi i operatorëve pjesë e të cilit ishte subjekti me pronar të dënuarin, i jep në total rreth 7 milion euro tendera atij së bashku me familjarët e tij.
Në shkelje të ligjit për prokurimin publik të kohës neni 45 pika 1/b si dhe vkm për rregullat e prokurimit publik neni 15.
