Dhëndri i Sali Berishës, Jamarbër Malltezi ka dalë nga Apeli i GJKKO pas gati tre orësh.
Në një prononcim për mediat, Malltezi tha se jemi armiq të komunistëve dhe për këtë ndihet krenar.
Jamarbër Malltezi: “Lista numër një e armiqve të komunisteve janë tre veta nga familja Begeja. Edhe në atë kohë si tani ishin shpallur armiq të komunistëve. Jemi armiq të komunistëve dhe jemi krenar për këtë gjë. Sot ishim në Apel. Në Apel nxorën sa i takon diligjencës së katërt dymujore. Në 4 diligjenca nuk ka asnjë fjalë për Sali Berishën. Sot u nxor diçka e re për gjykatën. Jemi në situatën ku ose masat e Berishës ishin të paligjshme ose janë të pavlefshme. Masat që u morën për kufizimin e lëvizjes, në rast se ishin kufizim liria janë të paligjshme sepse nuk shkuan në Parlament. SPAK tha jo nuk janë kufizim lirie, por e bukura është që nuk e ka zbatuar atë. Menjëherë është masë e pavlefshme. Zëvendësimi i masë së pavlefshme është nul. Vendimi për lëvizjen është firmosur nga Edi Rama në qershor 2006, para Berishës që prokurorët thonë e ka firmosur në nëntor 2006. Në thelb është çështje e thjeshtë, u nis me kallëzimin e rremë nga Taulant Balla”.
