“Big Market” vazhdon shitjet e produkteve ushqimore jashtë standardit, madje në shumë raste rrezikohet edhe jeta e qytetarëve.
Konsumatori shqiptar është lënë në “mëshirë të fatit” pasi në çdo pikë tregtimi të “Big Market” mund të blini me dorën tuaj produkte të prishura ose që në mënyrë “kriminale” u është ndryshuar afati i skadencës. Në një vend normal kjo as nuk mund të imagjinohet, por në Shqipëri asnjë institucion përgjegjës, përfshirë edhe AKU-në nuk ushtron detyrën për të mbrojtur qytetarin.
Shpesh herë “taksidarë” të AKU neglizohojnë kontrollet ose “mbyllin sytë” kur marrin ryshfetin nga pronarët e bizneseve të cilët jo pak herë shesin produkte jashtë standardit.
Së fundmi është gazetari Andi Llabuti i cili denoncoi një rast flagrant që i ndodhi gjatë fundjavës në “Big Market”. Gjatë mesazhit të publikuar në rrjetet sociale, ai shprehet se kompania “Lufra” po helmon shqiptarët duke tregtuar qumësht të prishur.
Llabuti i bën thirrje qytetarëve që të jenë vigjilentë pasi mund të helmojnë fëmijët e tyre me produktet e skaduara dhe jashtë standartit që shiten jo në pak raste në ‘Big Market’.
“Ditë t shtune unë e kam pushim dhe i përkushtohem familjes, pra nuk bëj dot rolin e gazetarit. Sot si ditë pushimi zbrita poshtë tek ‘Big Market’ dhe marr një bidon me qumësht 1.4 litra. Hapa tapën para se t’ia jepja bijës time, shikoj tapën që skandonte më 29 gusht, pra 5 ditë brenda afatit. E provova nuk mu duk as si qumësht as si kos. Kuptova që kisha blerë qumësht të prishur. Mu errën sytë komplet, ashtu siç isha zbrita poshtë sepse mu errën sytë për fëmijën tim 8 muajshe, për pak e helmova. Zbrita poshtë dhe u them punëtorëve të ‘Big Market’, ky qumësht është i prishur. Më thanë cfarë date skadence kanë: I thashë ka edhe 5 ditë kohë që të skadojë.
Ky qumështi është ‘Lufra’ firma më e dështuar dhe e degjeneruar që e shesin të degjeneruarit. Prindër të dashur keni një detyrë shumë të madhe për të bërë. Të merrni produktet dhe ti provoni juve më parë pastaj fëmijët tuaj. Përderisa ju kishit dëshirë të bëheshit prindër atëherë duhet të bëni këtë detyrë. Kjo kohë ka ardhur dhe nuk keni zgjidhje tjetër”, tha gjatë denoncimit gazetari Andi Llabuti.
View this post on Instagram
