Është mafia ndërkombëtare, që importon mbetjet në vendet jashtë BE dhe në vendet e Botës së Tretë; ajo që ka bërë gati draftin e projekt- ligjit për importin e mbetjeve në Shqipëri dhe ka vënë në lëvizje kryeministrin Edi Rama, ndërsa ky ka hedhur në veprim “veglën” e tij Eduard Shalsi e parlamentin për ta miratuar…
Më 3 maj 2024 te një hotel në Tiranë, bën takim të fshehtë me shoqatën e ricikluesve të mbetjeve, tre “ingranazhet” që Edi Rama i përdorë për të vënë në lëvizje ligjore pazaret e tij mafioze, konkretisht Mirela Kumbaro, Eduard Shalsi dhe Arben Pëllumbi.
Tema e takimit, ishte kjo: “Sfidat e Konkurrencës në Ekonomi”, por faktikisht, ata ranë dakord në pazar me mafien sipas urdhrit të Edi Ramës, që qeveria dhe parlamenti të nisin urgjent procedurat ligjore, për lejimin e importit të mbetjeve nga vendet e BE e vende të tjera.
Kryetari i Komisionit të Ekonomisë, Eduard Shalsi, d.m.th Edi Rama; garantoi grupet mafioze, që projekti-ligji për importin e mbetjeve, do hartohej e miratohej sa më shpejt prej tij në Komisionin e Ekonomisë dhe të do kalohej menjëherë për votim në parlament, i maskuar si ligj që gjoja zhvillon ekonominë e Shqipërisë e hap vende pune.
Katër muaj pas atij takimi, tani para kthimit nga pushimet, Eduard Shalsi thotë se ka bërë gati projekt-ligjin e ri për importin e mbetjeve; por realisht është kopje e projekt-ligjit të marsit 2011 nga qeveria “Berisha” dhe i muajit nëntor 2013 e qershor 2016 nga qeveria “Rama”.
Projekt- ligji i importit të mbetjeve, ka dalë përsëri në skenë dhe është bërë gati e do paraqitet për miratim në parlament brenda muajit tetor 2024, duke i servirur si gjoja mbetje pa rrezik, me mundësi zhvillim ekonomik dhe sipas standardeve evropiane e me rekomandim të BE.
Në fakt, është mafia ndërkombëtare, që importon mbetjet në vendet jashtë BE dhe në vendet e Botës së Tretë; ajo që ka bërë gati draftin e projekt-ligjit për importin e mbetjeve në Shqipëri dhe ka vënë në lëvizje kryeministrin Edi Rama, ndërsa ky ka hedhur në veprim “veglën” e tij Eduard Shalsi e parlamentin për ta miratuar.
Importi i mbetjeve në Shqipëri nuk do ketë kufizim sasior, ndërsa për llojet e tyre do përcaktohet formalisht, një listë mbetjesh që nuk do lejohen; por kjo do jetë sa për efekt propagandistik e mashtrim publik për të fshehur të vërtetën e ndotjes së Shqipërisë me mbetjet Botës.
Sepse faktikisht, do vërshojnë mbetjet e të gjithë vendeve të BE e në të gjithë vendet e tjera, ku mafia e mbetjeve do bëjë pazar me krerët e qeverisë shqiptare, madje vetë qeveria po hap portat me ligj, ndërsa deri tani i ka lejuar pa ligj.
Thuhet, se mbetjet që do sillen nga vendet e BE dhe nga vendet e tjera në Shqipëri, nuk do jenë të rrezikshme e nuk do shkaktojnë asnjë pasojë në mjedis dhe jetën e njerëzve.
Pyetja logjike që bëhet, është kjo: – Gjersa këto mbetje, zhvillojnë ekonominë dhe nuk janë të rrezikshme, përse vendet e BE nuk i mbajnë vetë atje, por duan t’i sjellin në Shqipëri?
Faktikisht, ata kanë gjetur “kosh” për të hedhur mbetjet e tyre të rrezikshme, ndërsa krimin po e bën kryeministri Edi Rama, që ka bërë pazaret me mafien e mbetjeve për t’i sjellë në Shqipëri./Pamfleti
