Kryeministri Edi Rama do të mbledhë qeverinë dhe kryebashkiakët në Himarë. Mësohet se takimet do mbahen në datat 28-29 Gusht.
Burime për mediet bëjnë me dije se në mbledhje do të flitet për një analizë të punës së bërë deri më tani, por edhe për t’u vendosur objektivat e radhës në nisje të sesionit parlamentar.
Flitet se mbledhja mund të mbahet në godinën e Bashkisë së Himarës në sallën e rinovuar, por nuk përjashtohet dhe mundësia e mbajtjes së mbledhjes në një prej hoteleve apo resorteve në zonë.
Ky takim me Qeverinë vjen në një kohë kur na ndan më pak se një vit nga zgjedhjet parlamentare të vitit 2025, teksa mbledhjen e fundit me Qeverinë dhe drejtuesit politik Rama e ka mbajtur në muajin Janar në Lezhë.
