Gazetari Klodian Tomorri ka qenë i ftuar në Syri tv, ku foli për transportin e 816 ton mbetjeve toksike të dala nga porti i Durrësit, të cilat Tajlanda pritet t’i kthejë sërish mbrapsht në vendin tonë, pasi ka zbuluar se janë të rrezikshme për shëndetin e njerëzve dhe mjedisin.
Tomorri është shprehur se institucionet shqiptare kanë filluar një lojë pingpongu me gjysëm të vërteta, ku duket sikur tentojnë t’ja lënë topin apo përgjegjësinë në derë njëra-tjetrës.
Gjatë bisedës Tomorri u shpreh, se dyshimi është që mund të jenë falsifikuar letrat ose të gjithë kanë mbyllur sytë se janë palë ose të gjithë strukturat e shtetit janë korruptuar në këtë histori.
“Institucionet shqiptare kanë filluar një lojë pingpongu me gjysëm të vërteta, duket sikur tentojnë t’ja lënë topin apo përgjegjësinë në derë njëra-tjetrës, ju e patë reagimin e ministrisë së mjedisit e cila në mënyrë indirekte deklaronte për mediat që mbetjet janë të Kurum, më pas patëm kompaninë Kurum e cila soli zyrtarisht dhe tha nuk janë mbetjet tona, ne nuk kemi eksportuar mbetje.
Pra bëhet fjalë për kontenierët që u tentua të coheshin në Tajlandë, dhe tani ndodhen në Singapor , dhe pritet të rikthehen në shqipëri. Dhe sot patëm doganën e cila reagoi, por vetëm për rastin e Kinës, dhe tha që me të vërtetë që janë nisur nga Shqipëria, nga porti i Durrësit, por nuk është produkt shqiptar por janë të Kosovës.
Nëse do të ishte e deklaruar në letra si ngarkesë mbetjes e rrezikshme, ajo nuk mund të nisej pa autorizimin e Ministrisë së Mjedisit, pra dyshimi është që mund të jenë falsifikuar letrat ose të gjithë kanë mbyllur sytë se janë palë ose të gjithë strukturat e shtetit janë korruptuar në këtë histori.” – u shpreh Tomorri.
