Policia e Tiranës ka publikuar planin e masave për mbarëvajtjen e sigurisë në marshimin e planifikuar mbrëmjen e sotme në Tiranë, ku do të kërkohet drejtësi për Egli Progën, 42-vjeçarin i cili u vra nga Denis Meçe në Pogradec.
Marshimi do të mbahet nën moton “Kundër gangove me pushtet” dhe pritet të nisë në orën 19:30 nga sheshi “Skënderbej” për të vazhduar më pas nga bulevardi “Dëshmorët e Kombit” drejt godinës së Kryeministrisë.
Policia bën me dije se prej orës 19:30 e deri në përfundim të marshimit, do të ketë bllokim të përkohshëm të qarkullimit të mjeteve, në bulevardin “Dëshmorët e Kombit”, segmenti i rrugës “Myslym Shyri” nga Gjykata e Lartë deri në bulevardin “Dëshmorët e Kombit”.
Blutë e kryeqytetit apelojnë drejtuesit e mjeteve që të shmangin lëvizjen në këto akse rrugore dhe të përdorin rrugët “Ibrahim Rugova” dhe “Papa Gjon Pali” si rrugë alternative, deri në përfundim të tubimit.
Njoftimi:
Për shkak të zhvillimit të një tubimi ditën e sotme në orën 19:30, parashikuar për tu zhvilluar nga sheshi “Skënderbej” deri te Kryeministria, do të ketë bllokime të disa segmenteve rrugore, si dhe bllokime të pjesshme të disa segmenteve të tjera në varësi të lëvizjes së tubuesve.
Njoftojmë qytetarët se sot, prej orës 19:30 e deri në përfundim, do të ketë bllokim të përkohshëm të qarkullimit të mjeteve, në bulevardin “Dëshmorët e Kombit”, segmenti i rrugës “Myslym Shyri” nga Gjykata e Lartë deri në bulevardin “Dëshmorët e Kombit”.
Policia apelon për të gjithë qytetarët që të shmangin lëvizjen në këto akse rrugore dhe të përdorin rrugët “Ibrahim Rugova” dhe “Papa Gjon Pali” si rrugë alternative, deri në përfundim të tubimit.
