Juristi Ylli Manjani ka komentuar ngjarjen e Pogradecit dhe regaimin e policisë së shtetit për këtë ngjarje të rëndë.
Manjani u shpreh se ka mungesa të rënda logjike në gjuhën zyrtare të një drejtuesi zyrtar institucionesh, aq më tepër të një drejtuesi policisë së shtetit.
Manjani u shpreh më tej se vecanërisht shërbimi i policisë meriton një ‘shpullë’ të jashtëzakonshme, policët në referencat që ato bëjnë në veprat penale, në inskenime gjërash, ata janë gënjeshtarët më të mëdhenj.
“Ka mungesa të rënda logjike në gjuhën zyrtare të një drejtuesi zyrtar institucionesh, aq më tepër të policisë së shtetit. Aq më tepër të mbështetura nga kryeministri i vendit, i cili në vend të dilte të mbështeste familjen dhe të distancohej nga agresori, u bashkua me thirrjen antikushtetuese të drejtorit të policisë së shtetit për të bllokuar llogritë në Facebook të gazetarëve, dhe kjo ka ndodhur masivisht sot.
Masivisht gazetarët, njerëz publik kanë raportuar bllokim publik të shkrimeve, mendimeve dhe oponioneve të tyre, dhe kjo është antikushtetuese, kjo nuk ka lidhje me rendin demokratik.
Zoti Rrumbullaku është drejtues publik, dhe do t nënshtrohet kritikave si gjithë të tjerët.
Duhet përshëndetur, në këtë fatkeqësi që i ka zënë, kanë ngushëllimët tona më të sinqerta, familjarët e viktimes, të cilët insistuan në demonstrimin e të vërtetës sipas tyre. Dhe sigurisht media, përfaqsues të medias dhe persona publik bënë të mundur që kjo ngjarje të vendoset në një spot publik dhe ja arritën qëllimit, dhe kjo i kapi ata gafil.
Ne qeverisemi me njerëz që merren nga mëngjesi në mëngjes me propagandë, tani këto njerëz që meren me propagandë u kapën gafil nga kjo ngjarje e cila është e ngjashme me vrasjen e Klodian Rashës.
Në përpjekje për të mbuluar këtë skandal, drejtori i përgjthshëm i policisë së shtetit, gjënjeu rëndë opinionin publik, dezinformoi opinionin publik, sikur gjasme kishte bërë një ekstradim nga Dubai, shteti jonë ka kohë që se bën dot, e paska bërë Muhamed Rrumbullaku, atë që se bëri Ulsi Manja. Kte gafe ka bërë drejtori i policisë dje për të mbyllur këte skandal , ose për të bërë të fortin që unë të mbyll Facebookun.
Vecanërisht shërbimi i policisë meriton një shpullë të jashtëzakonshme, policët në referencat që ato bëjnë në veprat penale, në inskenime gjërash, ata janë gënjeshtarët më të mëdhenj. Janë ata që inskenuan Fredi Bejlerin me urdhër politik para një vitii, u përpoqën të fshinin gjurmët ë vrasjes së djalit në Laprakë”.- u shpreh Manjani per Syri tv.
