Banorët e zonës së Krujës dhe të Fushë-Krujës kanë dalë sërish këtë të martë në protestë, teksa kanë tentuar të bllokojnë autostradën Thumanë-Kashar.
Ata kërkojnë hyrje dhe dalje në autostradë, ose një rrugë dytësore, pasi me rrugën e re ata nuk kanë akses për banesat dhe bizneset e tyre dhe deklarojnë se po shkojnë drejt falimentimit. Sipas banorëve, ata duhet të shkojnë deri në Rinas për t’u futur në autostradë.
Në tentativë për t’u futur në autostradë për të bllokuar aksin në shenjë proteste , banorët janë përplasur edhe me efektivët e Policisë të cilët kanë dalë me qindra në terren.
Edhe pse po protestojnë prej javësh, deri më tani ata nuk kanë marrë asnjë reagim nga Qeveria, por kjo e fundit dërgon qindra Policë për të shtypur protestën, madje shpesh herë edhe me dhunë dhe gaz lotsjellës.
Të pranishëm në protestën e sotme janë edhe deputetët Oerd Bylykbashi dhe Andia Ulliri si dhe aktivisti Adriatik Lapaj.
