“Shipëria Bëhet” e Adriatik Lapajt ka thërritur qytetarët një një marshim pas vrasjes së 42-vjeçarit, Egli Proga tre ditë më parë në qytetin e Pogradecit nga 29-vjeçarit Denis Meçe.
Marshimi është planifikuar të mbahet ditën e hënë, datë 19 Gusht, në orën 19:30 nga sheshi “Skënderbej”, drejt godinës së kryeministrisë. Slogani i këtij marshimi do të jetë “Kundër gangove me pushtet! Për jetën! Për sigurinë! Për drejtësinë!”.
Ky marshim është thirrur për shkak se institucionet po tentojnë të mbrojnë vrasësit, pasi Denis Meçe është nipi i një njeriu me “pushtet rilindasi” në Pogradec si Valter Gora.
Fillimisht ishte Policia e Pogradecit ajo e cila tentoi të fshihte ngjarjen, duke raportuar se 42-vjeçari kishte humbur jetën, pasi ishte rrëzuar. Ndërsa sot, drejtësia rrahjen brutale e konsideroi si “Vrasje nga pakujdesia”, duke i zbutur akuzën 29-vjeçarit, si dhe liroi tre bashkëpunëtorët e tij.
Familjarët e viktimës akuzojnë institucionet për mosveprim të qëllimshëm, teksa sipas tyre, në këtë rast kemi të bëjmë me një vrasje në bashkëpunim.
Si për familjarët e Egli Progës, po ashtu edhe për banorët e tjerë të zonës, Denis Meçe dhe shokët e tij njiheshin si një grup gjobëvënie në Pogradec. Dyshohet se Denis Meçe i kishte kërkuar xhiron ditore të lokalit Egli Progës, por 42-vjeçari kishte refuzuar ta paguante “gjobën” duke i thënë se kishte dy fëmijë për të rritur.
Reagimi i plotë i “Shipëria Bëhet”:
Koha për të zbritur në shesh!
Gangot që vrasin nuk duhen lënë rehat. Opo 5 veta…10 veta…sa të jemi, por nuk duhen lënë rehat.
E rrahën barbarisht! E lanë në rrugë! Ambulanca vonoi gjysmë ore edhe pse ngjarja ndodhi 5 minuta larg spitalit! Policia tentoi të fshihte ngjarjen duke e raportuar si vdekje aksidentale nga alkooli!
Drejtësia nuk e pa të arsyeshme të kërkonte dhe jepte masë sigurimi arrest me burg për bashkëpunëtorët! Thonë se për autorin është ngritur akuza e “Vrasjes nga pakujdesia”!
Para 1 muaji u provua se luhej me jetën e pacientëve me kancer.
Para 2 muajve një njeri u vetflijua nga skema e fajdeve të lejuara nga Banka e Shqipërisë.
Prandaj, ditën e hënë do marshojmë nga Sheshi Skënderbej te Kryeministria në orën 19.30.
Ata nuk mund të pushojnë rehat ndërkohë që ne vdesim!
