Një aksident me 1 të plagosur është shënuar në aksin rrugor Pogradec – Qafë Thanë. Ngjarja ka ndodhur në afërsi të fshatit Pojskë ku nga përplasja e dy mjeteve ka mbetur i plagosur një shtetas danez i identifikuar si Kervan Primet, i cili ndodhet jashtë rrezikut për jetën, dhe pasagjeri në makinën e tij.
Raportohet se ka qenë manovrimi i gabuar i danezit që ka sjellë përplasjen me një mjet Volkswagen brenda së cilit ndodhej një familje me 2 fëmijë të vegjël që fatmirësisht nuk kanë pësuar asnjë lëndim.
Mjeti që drejtohej nga danezi e ka goditur Volswagen-in në pjesën e shoferit dhe më pas në pjesën e pasme duke rrezikuar jetën e dy vajzave të vogla.
“Rreth orës 11:20, në aksin “Pogradec-Qafë Thanë”, në afërsi të fshatit Pojskë, automjeti tip “Volkswagen” me drejtues shtetasin M. K. është përplasur me një automjet tjetër tip “Volkswagen” me drejtues shtetasin K. P.
Nga aksidenti janë dëmtuar shtetasi K. P. dhe një pasagjer në automjetin e këtij shtetasi, të cilët po marrin mjekim në spital.”– njofton policia.
Grupi hetimor po punon për sqarimin e rrethanave dhe përcaktimin e shkakut të aksidentit.
