Janë zbardhur detaje të reja nga hetimet e Prokurorisë së Tiranës, ecila lëshoi 7 urdhër-arreste për persona të cilët në bashkëpunim me njëri-tjetrin akuzohen se kanë marrë peng dhe kanë dhunuar 35-vjeçarin Ervis Xhixha.
Burime për mediat bëjnë me dije se pengmarrja ka ndodhur në muajin Janar të këtij viti në Kamëz, pasi Ervis Xhixha i kishte marrë 70 mijë euro borxh Hektor alias Tori Xheçukës. I riu është marrë peng për të paktën 1 orë ku është dhunuar nga autorët dhe pasi është lënë i lirë, ai ka shkuar dhe ka bërë kallëzim në Polici.
Ervis Xhixha është një personazh i njohur për drejtësinë, pasi u arrestua në vitin 2019, për shkak se tentoi të vrasë në Zall Herr Bujar Beshirin, pas një konflikti me këtë të fundit, por më pas qëlloi në ajër.
Gjykata e Tiranës caktoi masat e sigurisë “Arrest në burg” për shtetasit Tori Xheçuka, alias Hektor Xheçuka, 36 vjeç, Aleksandër Osmani, 37 vjeç, Artan Pirraci, 50 vjeç, dhe Fredi Keta, 49 vjeç, ndërsa “Arrest në shtëpi” për shtetasit Naim Qarri, 52 vjeç, Sajmir Kolaveri, 42 vjeç dhe Adem Metkola, 46 vjeç. Naim Qarri është ish-presidenti i klubit të Kamzës.
Tori Xheçuka, alias Hektor Xheçuka dhe Fredi Keta nuk janë arrestuar nga Policia e Tiranës dhe janë shpallur në kërkim.
Xheç uka rezulton në kërkim edhe për llogari të SPAK si i përfshirë në dosjen “Revanshi”, teksa konsiderohet edhe si “ushtari” i Ervis Martinajt. Dyshohet se ai ndodhet në Dubai.
Nga zbërthimi i bisedave në aplikacionin SkyECC ka rezultuar se Tori Xheçuka alias Hektor Xheçuka ka pasur rolin e organizatorit dhe ekzekutorit të atentatit të dështuar ndaj Durim Bamit më 4 nëntor 2020 pranë Urës së Tapizës në Krujë Kruje.
Po ashtu, Tor Xheçuka akuzohet dhe për vrasje e mbetur në tentativë ndaj Hamza Terziu dhe sigurim i kushteve për të kryer vrasje dhe armëmbajtje pa leje.
Nga bisedat në SkyECC janë zbardhur komunikimet mes vrasësit me pagesë Tori Xheçuka dhe biznesmenit të zhdukur, Ervis Marinajt, ku 36-vjeçari i kërkon bosit të lojërave të fatit t’i jepte një emër për ta vrarë në këmbim të parave duke i shkruar “më jep ndonje punë se me duhen lekë sepse kam hall”.
Po ashtu, Tori Xheçuka dyshohet si i përfshirë edhe në disa vrasje të tjera,
