Agjencia e Mbikëqyrjes Policore ka ekzekutuar vendimin e Gjykatës së Posaçme (GJKKO) e cila ka caktuar masën e sigurisë “Arrest në shtëpi” ndaj ish-oficerit të Policisë Gjyqësore.
Bëhet fjalë për shtetasin L.F, 46 vjeç, i cili akuzohet për kryerjen e veprës penale “Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë”.
Sipas njoftimit të autoriteteve, nga hetimet disa mujore nën drejtimin e SPAK, është arritur të dokumentohet përfshirja e ish-oficerit të Policisë së Beratit në veprime korruptive, i cili në këmbim të një vlere monetare ka terntuar të mbyllte një çështje penale në ngarkim të një qytetari.
