Avokati Ylli Manjani ka komentuar intervistën e ish numrit dy të qeverisë Rama, Arben Ahmetajt.
Sipas Manjanit, Ahmetaj foli për çështje të rëndësishme, dhe se dëshmia e tij ka rëndësi pasi ai ka qënë dëshmitar okular në shumë çështje të brendshme.
Manjani deklaron se çështja e AKSHI-t, e thënë nga Ahmetaj, duhet të marrë vëmëndje.
Kujtojmë se Ahmetaj tregoi mbrëmjen e djeshme se familja kryeministrore është përgjuar ambientalisht dhe ka regjistrime aferash korruptive të famijarëve të kryeministrit. Ahmetaj deklaroi se familjarët e Edi Ramës kanë marrë 43 milion euro nga AKSHI.
“Ajo e Ben Ahmetajt nuk është vetëm një intervistë , është një qasje, që Ben Ahmetaj ndoshta i detyruar nga rrethanat, ka zgjedhur prej kohësh ta mbaje. Është një qasje e një gjuhe denoncuese, dhe ajo që ka rëndësi, nëse e zhveshim nga pjesa emocionale, është që në fund të ditës po flet një ish ministër financash, po flet një zv kryeministër, po flet një person shumë i afërt me njeriun që vendos, me Edi Ramën. Ai ka qënë dëshmitar okular i shumë ngjarjeve të mbrendshme, dhe në këtë pikë , deklaratat e tij sigurisht që kanë rëndësi, dhe nuk mund të anashkalohen apo injorohen.
E kuptoj dhe propagandën e qeverisë, që përpiqet ta injoroi dhe ta sfumoi për të shmangur vëmëndjen nga thelbi i asaj që Ben Ahmetaj ka deklaruar mbremë dhe më parë, por mbrëmë ka qënë më konkret në disa cështje kryesore.
Psh çëshja e pronarit të vërtetë të incerenatorit të Tiranës , është çështje diskutohet shumë, është ende në hetim, që ka marrë shumë vëmëndje, Ben Ahmetaj insiston prej kohësh që Erion Veliaj dhe Edi Rama janë pronarët faktik te incerenatorit dhe Mirel Mertiri është një i përdorur.
Kjo është një përmbysje e madhe e cila meriton hetim , analizë , e shumë vëmëndje, Eko Parku meriton gjithashtu vemendje, e hetim.
Çeshtja AKSHI, e thene nga Ahmetaj, duhet të marrë vëmëndje , ose sjellja abusive e nje prokurori në raport me nje deshmitar, që është shumë e rëndë.
Ajo ku gabon drejtësia e sotme është tek nxitim i absurd që ka per të marrë masa sigurie, të gjitha faktet po tregojnë që harxhimi i kohës për të diskutuar mbi masat e sigurise, vrasin produktin real.”- tha Manjani në ‘Task Forcë’.
