Tajlanda ka hequr regjimin e vizave për shtetasit shqiptarë, duke e çuar në 99 numrin e shteteve ku shqiptarët mund të udhëtojnë vetëm me pasaportë.
Lajmin e ka bërë me dije ministri i Jashtëm, Igli Hasani, i cili në një postim në rrjetet sociale shkruan se pas bisedimeve dhe nënshkrimit të marrëveshjeve vizat u hoqën së fundmi edhe me Tajlandën.
“Ky është një hap i rëndësishëm në forcimin e pasaportës shqiptare dhe në promovimin e imazhit të Shqipërisë në arenën ndërkombëtare.
MEPJ do të vazhdojë punën për forcimin e pasaportës shqiptare kudo në botë.”, shkruhet në njoftimin e Ministrisë së Jashtme.
