Gjatë muajit korrik është rritur numri i pacientëve të cilët janë paraqitur tek mjeku i familjes me temperaturë nga 37 deri në 40 gradë si dhe simptoma të tjera të ngjashme me ato të virozave të stinës.
Lidhur me këtë situatë nëpërmjet lidhjes skype në MCN, mjeku infeksionist Gent Stroni u shpreh se prej gati 3 javësh ka një fluks në rritje të pacientëve që kërkojnë ndihmë, ndërsa kërkoi që rastet që duan më shumë kujdes janë personat që vuajnë nga sëmundje të tjera bashkëshoqëruese si dhe tek të moshuarit.
Ai tha se në raste kur pacientët kanë temperaturë të lartë do duhet të kuptojnë se është i infektuar, teksa bëri të ditur se kjo situatë kalon nga 5-7 ditë.
Sipas tij është konstatuar se një pjesë patologjive janë pjesë e omikronit edhe pse tamponi nuk rezulton gjithmonë pozitiv.
“Është e vërtetë ka filluar prej gati 3 javësh që ka një fluks më të lartë pacientësh që kërkojnë ndihmë për temperatura të larta dhe simptoma të tjera. Prej këtyre pacientëve është konstatuar se një pjesë e mirë e këtyre patologjive janë pjesë të omicron, covid. Omicron kemi gati dy vjet që e kemi në të gjithë botën. Ajo që kemi parë nga omicron është pikërisht një zbutje e problematikave që çojnë drejt vdekshmërive të pacientëve, por jep probleme të tjera afatgjata, pra situata kalon nga 5-7 ditë, me temperaturë të lartë, dhimbje trupi, djersë dhe më pas situata kalon pa shkuar në komplikacione të traktit respiratorë.
Pra në rutinë nuk paraqet problematika në ditët që pacienti është me këtë patologji, por problematikat që vijnë më pas janë ato që mund të shkojë dhe në disa muaj. Shkatërrimet që ai bën në organizëm mund të jenë në traktin endokrinë, por duke shkuar deri në lëkurë, pra dhe në lëkurë mund të japë shenja dhe problematika. Çdo pacientë mund ta konsiderojë veten të sëmurë në bazë të shenjave të trupit të tij dhe kjo mund të nisë nga temperatura e lartë, mbajtja e një temperature konstante është pak e vështirë por do duhet marrja e disa medikamenteve si paracetamoli, por dhe lëngje sa më shumë.
Ai nis me hundë të zëna, dhimbje koke, këputje trupi, dhimbje gjunjësh e cila do duhet të vlerësohet nga pacienti dhe në këtë mënyrë më pas do duhet ti drejtohet mjekut. Në raste kur pacientët kanë temperaturë të lartë do duhet të kuptojnë se është i infektuar. Jo gjithmonë tamponët dalin pozitiv prandaj mjeku në këtë rast është i detyruar të vlerësojë analizat e tjera siç është analiza e gjakut por dhe simptomat e pacientit.” – tha Stroni.
I pyetur se cili është sot protokolli i trajtimit për rastet që rezultojnë pozitiv, Stroni tha se:
“Cilado virozë e para do duhet të jetë kujdesi në aspektin e ruajtjes së temperaturës që kjo virozë të mbajë të kontrolluar temperaturën. Dhe për të bërë këtë duhet të jetë në kushte shtëpie, të ketë ajër të pastër, ambient të freskët, lëngje me sasi dhe të mbrojë të tjerët nga kontakti për të mos e transmetuar”.
