Deputeti i Partisë Demokratike Dashnor Sula ka shpërthyer me kritika për “paktin” e arritur mes PS dhe PD për ndryshimet në kodin Zgjedhor.
Nga foltorja e Kuvendit, Sula tha se me këtë marrëveshje të cilën e quajti ‘të turpshme’, opozita nuk ka shanse që të fitojë zgjedhjet. Sula këshilloi kryeministrin Edi Rama që mos dalë fare në fushatë pasi sipas tij e ka fitoren e garantuar.
“Sot mungon një pjesë e mirë e deputetëve që ta celebrojnë dhe që të jenë dëshmitar. Gjiknuri shprehu një shqetësim se tha se nuk dinte me kë të diskutonte. Ke qenë në pozita shumë të vështira. Respekt për gratë deputete po ta kisha unë në dorë 100 deputete do të jenë gra dhe 40 burra.
Fatkeqësisht nuk do të fitojmë në 2025, kemi një bllok që do të çimentohet në 2025, trajtani i Varshavës dhe ai i NATO-s. A e dini që nuk do të kemi një listë zgjedhore, por do të kemi 4 lista zgjedhore. Një ajkë do të kemi Edi Ramën dhe tjetri do të jetë Sali Berisha. Lista tjetër do të jetë ajo e iluzionistëve, që do të ëndërrojnë se do të fitojnë mandatet, por as do tia arrijnë do.
Do kthehen gra në 2025 me këtë ligj edhe burrat. E kam thënë dhe në 2008 kam votuar kundër sepse ishte një marrëveshje e pamoralshme. Këtu në parlament u bë një marrëveshje e turpshme. Dinjitetin se kam çaur për tokë. Me gjakun e viktimave të Gërdecit votuan dhe ja në çfarë gjendje jemi sot. I vetmi argument ishte që ne nuk do të lejojmë të vijnë të fortët biznesmenët dhe kriminelët. Ndodhi ajo që erdhën vrasës me pagesë e kriminelë. U desh për herë të parë që të nxirret një ligj për të nxjerrë nga Kuvendi kriminelët. Kam një kërkesë nëse na ndjek Rama.
Kam një kërkesë nëse na ndjek Rama. Zoti kryeministër çfarë ilaçi i ke dhënë opozitës. Çfarë vaksine u kë bërë sot më 26 korrik 2024. Kishim shpresë që të vinim në pushtet në 2025, por sot kam një lutje për ty kryeministër… të lutem mos dil në fushatë në 2025 sepse i ke fituar zgjedhjet sepse mund të na marrë shumicë të cilësuar, dhe nuk do ketë fare opozitë. Nuk shtirem para demokratëve që prisnin të fitoni në 2025, është një bllok politik që do çimentohet në 2025. Kjo është për të ardhur keq”, tha Sula ndër të tjera.
