“Kauza më e rëndësishme e opozitës sot janë zgjedhjet e lira dhe të ndershme”, tha deputetja e PD-së Albana Vokshi.
Vokshi tha se me Edi Ramën si Kryeministër nuk mund të ketë zgjedhje të lira dhe të ndershme, ndaj kërkojmë një qeveri teknike, ashtu sikundër ndodh në Maqedoninë e Veriut, që 3 muaj para zgjedhjeve kemi modelin e qeverisë teknike.
Vokshi tha se qeveria teknike do të kërkohet si përmes rrugëve institucionale, ashtu edhe përmes protestave.
Ajo tha se protestat do të vijojnë si para Bashkisë së Tiranës, ashtu edhe në çdo vend tjetër.
“Do protestohet për të drejtat e mohuara të opozitës. E patë se çfarë ndodhi dje në mbledhjen e Këshillit Bashkiak? U miratua vendimi që shtohen 400 punonjës, janë patronazhistët që kërkojnë ti përfshijnë në zgjedhje. E dini çfarë vendimi u miratua dje, ai për marrjen me qera të hapësirave për kopshte apo çerdhe. Po merren në periferi sipërfaqe me 15 euro m2, këtë vlerë nuk e gjen as në qendër të Tiranës, dhe jo më në periferi”, tha Vokshi në News24,
Ajo tha se protestat do të vijojnë derisa Erion Veliaj të largohet me hir ose me pahir nga karrigia e kryebashkiakut.
- Vokshi: Mazhoranca nuk ka pasur vullnet për hetim parlamentar
Deputetja e Partisë Demokratike Albana Vokshi, ka deklaruar se zgjatja e mandatit të Komisionit hetimor për Shëndetësinë, u bë pasi mazhoranca nuk ka pasur vullnet për hetim parlamentar për dy prej koncesioneve, që i konsideroi më abuzivet në shëndetësi.
Vokshi u shpreh se momentalisht institucionet nuk vënë në dispozicion të komisionit dokumentacione kërkuar, ndërkohë shtoi se po pengohej puna hetimore. Ajo paralajmëroi se ndaj çdo drejtuesi të institucioneve që refuzon të japë informacion, do të procedohet nëpërmjet kallëzimeve, ashtu siç edhe ligji e parashikon.
Pyetje: Pse u shty mandati i komisionit deri në tetor?
Vokshi: “Mazhoranca nuk ka pasur vullnet për hetim parlamentar për dy prej koncesioneve që janë më abuzive e korruptive në shëndetësi. Të dyja arrijnë vlerën e më shumë se 200 mln eurove. Mendoni ç’mund të ishte bërë me këto para nëse nuk u ishin dhënë klientëve dhe miqve të mazhorancës. Sot nuk kemi studimet e vizibilitetit për asnjë prej koncesioneve. Deri më sot kemi pasur disa seanca për marrjen në pyetje të dëshmitarëve, por pyetja e tyre nuk lidhet drejtpërdrejt me kontratat apo dokumentet e tenderit. Rama dhe mazhoranca kanë bërë mbrojtësin publik të Sterilizimit. Po praninë e dokumenteve është e pamundur që të vijojnë punën. Po pengohet hetimi parlamentar. Po presin edhe këtë javë, më pas do të ndjekim siç ligji e parashikon, kallëzim për këdo drejtues që pengon punën e komisionit”
