27 persona janë shoqëruar nga policia për atentatin me 3 të vrarë në Memaliaj.
Burime mediatike bëjnë me dije se deri në këto momente janë ushtruar kontrolle në Memaliaj, Tepelenë, Vlorë, Fier, Elbasan, Tiranë, Lezhë dhe Shkodër, ndërsa po vijohet me kontrolle intensive në terren.
Në atentat sipas hetimeve kanë marrë pjesë 2 autorë, njëri drejtonte makinën dhe tjetri ka qëlluar me armë automatike në drejtim të viktimave.
Pista kryesore në të cilën po hetohet është ajo e hakmarrjes, pas një zinxhiri vrasjesh mes dy fiseve që luftën e nisën shumë herët, për trafikut e kanabisit nga jugu i Shqipërisë drejt Greqisë.
Kamerat e sigurisë kanë zbuluar profilin e autorit të masakrës me 3 të vrarë në Memaliaj, i cili ekzekutoi me breshëri plumbash babanë e Andrea Kalemit, Shyqyr Kalemin, kamarierin e lokalit, Gledio Muka dhe një klient Marsel Çela, natën e 20 korrikut. Ndërsa i plagosur mbeti vëllai i Shyqyri Kalemit, Artur Kalemi.
Autori që ka qëlluar ishte i gjatë 1.80 centimetra, rreth 40 vjeç dhe i pa maskuar. Autori ka qenë i veshur me pantallona dhe bluzë të zeza.
Atentati në Memaliaj, 20 korrik 2024
Të vrarë
1- Shyqyri Kalemi 74 vjeç (babai i Andrea Kalemit)
2- Gledio Muka, 36 vjeç (kamarier)
3- Marsel Çela 47 vjeç (klient)
I plagosur
Artur Kalemi, 57 vjeç (xhaxhai i Andrea Kalemit)
