Analisti Andi Bushatikomentoi raportin e DASH për ekonominë shqiptare, e cilësoi atë real dhe jo propagandistik, siç ka dëshirë ta paraqesë qeveria.
Sipas Bushatit, përmes këtij raporti, DASH u thotë shtetasve të tij amerikanë që të tregojnë kujdes me investimet në Shqipëri, pasi aty mund të ndesheni me një sistem drejtësie të korruptuar dhe një qeverie të korruptuar.
“Është raport i keq dhe negativ. Nëse do flasim për një klimë biznesi në Shqipëri të parë nga Amerika, është më e keqe se kurrë. Ky është një raport ku DASH, nuk gënjen për një arsye të thjeshtë. Është dokument që përgatit për qytetarët e tij në amerikë, që nëse duan të investojnë në Shqipëri, merr dhe lexon raportin e tij serioz për t’u mbrojtur, dhe ku është më i mirë investimi. Është raport real dhe nuk është propagandistik. Administrata amerikane i vë në dispozicion si dokumenta që i mban për qytetarët të saj. Kemi dy lloje amerikash, e para më pranë realitetit dhe një tjetër hipokrite. Për të kuptuar të vërtetin, aty ky flet për interesin e saj është më pranë realitetit dhe më pranë së vërtetqa. Nëse mbështesin kukullat që kanë në Shqipëri bëjnë deklarata si ato të Blinken. Nëse mendon administrta amerikane për ne, duhet të hedhim në kosh deklaratat e Blinken për vendin tonë. Po të dëgjosh diplomatët amerikanë që vijë edhe këtu të ne, të gjithë kanë një shprehje që e hedhin r helm për budallenjtë. Reforma në Drejtësi është ‘ok’ thonë ata. Raporti paralajmëron investitorët amerikanë që në Shqipëri ka një qeveri të korruptuar dhe një drejtësi të korruptuar. Është një qasje amerikane me dy standarde. Deklaratat personale që bëjnë diplomatët, duhen hedhur në kosh dhe nuk duhet të zënë vend në shtet të qytetëruar dhe as në media. U duhet dhënë fund këtyre historive dhe që na gënjejnë”, tha Bushati per Syri tv.
Bushati u ndal edhe te votimi i emigrantëve në Shqipëri, për të cilën tha se problemi i vërtetë në vendin tonë, është shtrembërimi i rezultatit.
“Problemi i votimeve në Shqipëri është shtrembërimi total i rezultatit. Kur flasim për zgjedhje, flasim për ato që s’janë të lira dhe të barabarta, dhe nuk zhvillohen në një mjedis demokratik. Zhvillohen në pushtete që janë të gjitha të kapura nga mazhoranca qeverisëse, duke vijuar me nje sistem drejtësie të kapur. Është krijuar iluzioni se votat i vjedh opozita dhe jo mazhoranca që vjedh. Nuk duhet të merremi me gjurmën kur ujku vjedh votat”, vijoi ai.
Ndërsa betimin e Fredi Belerit si eurodeputet në Parlamentin Evropian, analisti Andi Bushati thotë se kryeministri Rama krijoi një precedent me rastin e tij. Kjo lexohet në një mënyrë të tillë që vullneti i votuesve shqiptarë nuk respektohet, ndërsa ai i qytetarëve grekë po.
“Ka një absurditet të dhimbshëm çështja Beleri. Kur e votojnë Belerin votuesit shqiptarë nuk i jepet e drejta për t’u betuar, dhe kur e votojnë europianët i jepet leja për t’u betuar. Vota e grekëve respektohet dhe e shqiptarëve jo. Nuk respektohet vullneti i qytetarëve shqiptarë po u nënshtrohemi vullnetit të grekëve. Krijoi një precedent Rama me Belerin, që dërgon një sinjal shumë të mirë për zgjedhjet e 2025. Opozitarëve u lihet e njëjta alternativë, ose humbisni ose u pret burgu”, tha Bushati.
