Deputetja e PD-së Ina Zhupën ka kundërshtuar në Kuvend votimin e mazhorancës për rrëzimin e kërkesës mocion me debat për raportin e OLAF për bllokimin e fondeve IPARD për fermerët.
Zhupa deklaroi se nuk është e rëndësishme e ka apo se ka raportin final mazhoranca, por sipas saj, ndërperja e fondeve ndaj fermerë, teksa iu është ulur edhe mbështetja nga Qeveria.
Deputetja demokrate tha se socialistët mirë që nuk reagojnë, por ish-ministren e Bujqësisë dhe ish-drejtoreshën e AZHBR që zhduku fondet Frida Krifcën e promovuan duke e bërë këshilltare të kryeministrit. Sipas saj, është turp i madh nëse Kuvendi bëhet noter i vjedhjes.
Zhupa tha më tej se nuk janë aty për t’i bërë gjyqin Krifcës, pasi kjo është punë e SPAK, por sipas duhet të punojnë për t’i çliruar sa më parë këto fonde.
Ina Zhupa: Fakti që thoni se nuk keni raport, nuk do të thotë që fermerët shqiptar marrin fonde, keni nuk keni ju raport final, fermeret janë pa mbështetjen e fondeve IPARD dhe pa asnjë suport. Fermerët ju keni hequr të vetmin burim oksigjeni sepse edhe vetë i keni ulur fondet për bujqësinë. Sektori i bujqësisë këtë vit merr të paktën 9% më pak financime se një vit më parë.
Ne nuk po bëjmë politike, ne po flasim për të dhënë zgjidhje. Ndërkohë që nga 10 miliardë lekë që ishte vlera e masave kombëtare mbështetëse të prodhimit bujqësor në 2023, këtë vit janë planifikuar 7,1 miliardë lekë, rreth 30% më pak. Pra ju keni reaguar thjesht duke ulur fondet kombetare, ne mungese të mbështetjes nga BE.
Ju vetëm që nuk reagoni por ministren e bujqësisë dhe ish drejtoreshën e AZHBR që zhduku fondet Frida Krifcën, e keni marr e keni promovuar e keni bërë këshilltare të kryeministrit që të mesoj si të vazhdojnë të vjedhin dhe të zhdukin fondet e IPARD dhe fonde të tjera të BE. Nëse ky Kuvend bëhet noter i vjedhjeve të qeverisë është turp i madh.
Ne jemi duke kërkuar të merren masa për ti ardhur në ndihmë fermerit. Nuk jemi duke kërkuar ti bëjmë gjyqit Frida Krifcës, këtë le tja bëj SPAK. Ne duan të punojmë për të çliruar sa më shpejt fondet e BE për fermerin shqiptar. Vendosni një datë për këtë debat. Dhe kjo nuk është të bësh politikë por të reagosh për fermerët.
Sepse fermerët që unë dhe znj. Denaj, ministre e bujqësisë, i kemi në zonën tonë, ata të Finiqit, Konispolit, Delvinës, nuk ju intereson fare nëse futet në burg apo jo Frida, po ju intereson të marrin fondet dhe të kenë mundësi të zhvillojnë bujqësinë në Shqipëri
