Që nga viti 2001, kur Valencia dhe Alaves humbën finalet e tyre europiane ndaj Bayern dhe Liverpool Liverpulit, Kombëtarja e Spanjës dhe klubet e La Liga-s nuk kanë humbur një finale të madhe të turneve të Kupës së Botës, Europianëve, Champions League dhe Europa League!
Kombëtarja spanjolle ka fituar të katër finalet (pa llogaritur Ligën e Kombeve) që ka luajtur (2008, 2012 dhe 2024 Kampionatin Europian dhe Botërorin në vitin 2010).
Përveç kësaj, Real Madrid fitoi pesë Liga të Kampionëve kundër rivalëve jo spanjollë (dy kundër Liverpulit, dhe nga një kundër Leverkusenit, Juventusit dhe Dortmundit, respektivisht); dhe Barça, katër (dy ndaj Man.United, një ndaj Arsenalit dhe një tjetër ndaj Juventusit).
Sevilla fitoi gjashtë UEFA – Europa League (viktimat e saj ishin Middlesbrough, Benfica, Dnipropetrovi, Liverpool, Inter dhe Roma); Atletiko Madrid, dy (kundër Fulhamit dhe Marseille); dhe Villareal një (kundër Manchester United).
E vërteta është se nuk ka pasur vetëm fitore e suksese. Ka pasur dhe humbje e zhgënjime. Spanja humbi Kupën e Konfederatave kundër Brazilit të Neymarit në “Maracaná” (2013); dhe atë të Ligës së Kombeve kundër Francës (2020).
Në nivel klubesh Sevilla humbi përballë Milan (2007), Bayernit (2020) dhe Manchester City-t (2023) Superkupën e Europës.
Villareal u mund po në Superkupën e Europës përballë Chelsea-t (2021). Barcelona humbi Kupën e Botës për Klube në vitin 2006. Por besueshmëria e skuadrave spanjolle është maksimale.
