Dorian Teliti, Anëtar i Këshillit Bashkiak Tiranë ka komentuar protestat e opozitës edhe atë të një dite me parë por edhe protestat pranë Bashkisë së Tiranës.
“Protesta te bashkia e Tiranës vazhdojnë prej 15 javësh dhe kemi deklaruar që do të vazhdojmë deri në arritjen e objektivit që i përket largimit të Erion Velisë nga zyra, pastrimi i godinës së bashkisë nga çdo kush i cili ka futur duart në buxhetin e bashkisë së Tiranës i ka vjedhur ato, jo më me 5 përqindshat por me 100 përqindsha dhe rikthimin e bashkisë së Tiranës në një institucion i cili u shërben qytetarëve. Patjetër që bashkia e Tiranë është institucioni kryesor pas institucionit të Kryeministrisë. Qytetarët e Shqipërisë dhe opozita tashmë e bashkuar nën një flamur e kanë bërë të qartë që edhe largimi i Edi Ramës dhe Erion Velisë janë të dyja objektivat tona nga të cilat ne nuk do të tërhiqemi deri ne realizimin e këtyre objektivave. Si bëhet largimi i tyre. Me qëndresë të vazhdueshme. Në asnjë vend të botës me një protestë të vetme nuk janë larguar qeveritë. Qeveritë dhe zyrtarët e lartë gjithmonë janë larguar pas protestave të vazhdueshme…..”, tha Teliti per Syri tv.
