Policia britanike ka nisur kërkimet pasi dy valixhe që besohet se përmbanin mbetje njerëzore, u gjetën në urën e varur Clifton në Bristol.
Policia tha se mori një njoftim për një burrë me një valixhe që po vepronte në mënyrë të dyshimtë në urë, por në kohën kur ata mbërritën në vendngjarje, ai ishte larguar.
Sipas policisë, valixhet besohet se përmbajnë mbetje njerëzore. “Ky është një rast shumë shqetësues dhe do të shkaktojë shumë shqetësim në komunitetet tona. Prioriteti ynë i menjëhershëm është të gjurmojmë njeriun që solli çantat në urë, për të identifikuar viktimat dhe për të njoftuar të afërmit e tyre”, tha policia.
Një nga monumentet më të njohura të Bristolit, ura e varur u ndërtua nga inxhinieri i njohur i shekullit të 19-të, Isabard Kingdom Brunel, dhe u hap në 1864.
