Kryetarja e Partisë Demokratike në Sarandë, Manjola Nikollo, denoncon se Bashkia po mban “peng” të drejtën e pronësisë të miratuar tashmë edhe me vendim të Këshillit të Ministrave për banorët e Sarandës.
“Kur në 22 maj 2019, deputeti i asaj kohe Alket Hyseni, ndau me pompozitet lajmin se më në fund Qeveria kishte miratuar VKM 329 që lejonte rregjistrimin nga ASHK të trojeve të dhëna nga Bashkitë, mijëra qytetarë të Sarandës menduan se gangrenës shumë vjecare me pronat e tyre u kishte ardhur fundi.
5 vitë pas miratimit të kësaj VKM, vetëm 800 qytetarë të Sarandës kanë arritur të bëhen pronarë të sipërfaqeve të ndara nga Bashkia e Sarandës për ta. Mijëra të tjerë vazhdojnë të enden dyerve të Bashkisë me shpresë se procesi i pezulluar prej më shumë se një viti do të rinisë, por më kot.”– deklaron Nikollo.
Ajo shprehet se sarandiotët janë viktimë e talljes së përditshme nga drejtuesit e Bashkisë, të cilët sa herë përballen me këtë kërkesë legjitime qytetare, përgjigjen se “së shpejti do të nisë puna”.
Ajo shprehet ndër të tjera se për drejtuesit e Bashkisë Sarandë më të rëndësishme janë lejet e ndërtimit apo miratimi i ngutshëm e i dhunshëm i vendimeve për të favorizuar me toka miqtë juaj oligarkë.
Nikollo i ka bërë thirrje drejtuesve të Bashkisë Sarandë, të kthehen në detyrën për të cilën janë votëbesuar, duke u shërbyer edhe qytetarëve të thjeshtë, e jo vetëm oligarkëve, lokalë apo qëndrorë qofshin.
Deklarata e plotë:
Kur në 22 maj 2019, deputeti i asaj kohe Alket Hyseni, ndau me pompozitet lajmin se më në fund Qeveria kishte miratuar VKM 329 që lejonte rregjistrimin nga ASHK të trojeve të dhëna nga Bashkitë, mijëra qytetarë të Sarandës menduan se gangrenës shumë vjecare me pronat e tyre u kishte ardhur fundi. 5 vitë pas miratimit të kësaj VKM, vetëm 800 qytetarë të Sarandës kanë arritur të bëhen pronarë të sipërfaqeve të ndara nga Bashkia e Sarandës për ta. Mijëra të tjerë vazhdojnë të enden dyerve të Bashkisë me shpresë se procesi i pezulluar prej më shumë se një viti do të rinisë, por më kot.
Bashkia Sarandë po mban “peng” të drejtën e pronësisë të miratuar tashmë edhe me vendim të Këshillit të Ministrave për banorët e Sarandës. Ata janë sot viktimë e talljes së përditshme nga drejtuesit e Bashkisë, të cilët sa herë përballen me këtë kërkesë legjitime qytetare, përgjigjen se “së shpejti do të nisë puna”. Në fakt asgje e re nuk duket nga fronti, përtej përgjigjeve zyrtare edhe në Këshillin Bashkiak se së shpejti do të ngrihet një komision verifikimi për këto troje.
Të nderuar Drejtues të Bashkisë Sarandë, janë me mijëra qytetarë e shumë prej tyre emigrantë apo njerëz në nevojë që po presin të bëhen pronarë me letra të asaj që u takon me ligj. Ndoshta për ju më të rëndësishme janë lejet e ndërtimit apo miratimi i ngutshëm e i dhunshëm i vendimeve për të favorizuar me toka miqtë juaj oligarkë, por shumë banorë të Sarandës ndoshta atë truallin që ju ua mbani peng, e kanë pasurinë e vetme të tyre, të cilën tallja juaj mund t’i bëjë edhe mos ta gëzojnë. Qindra emigrantë sarandiotë janë endur dyerve të Bashkisë verën e kaluar, madje edhe sivjet, me shpresë se në ato pak ditë që e kanë të mundur të kalojnë në vendlindjen e tyre, mund të heqin edhe këtë hall, por më kot.
Gjej rastin t’i bëj edhe njëherë thirrje drejtuesve të Bashkisë Sarandë, të kthehen në detyrën për të cilën janë votëbesuar, duke u shërbyer edhe qytetarëve të thjeshtë, e jo vetëm oligarkëve, lokalë apo qëndrorë qofshin.
