Gjykata e Poisaçme ka vendosur shtyrjen e seancë ndaj ish-ministrit Fatmir Mediu lidhur me çështjen “Gërdeci”.
Shkaku i shtyrjes së seancë ishte kërkesa e ekspertëve financiarë kanë kërkuar për më shumë kohë që të njihen me aktin financiar.
Pesë ekspertët e thirrur sot për të dëshmuar ishin Bexhet Zeqiri që është financier kontabël, aktualisht auditues pranë KLSH, Ymer Stafa-ekonomist, Rasim Metallari- financier, punonjës në Universitetin e Mjekësisë, auditues i brendshëm, Latif Çela- financier i lartë, auditues më Ministrinë e Financave si edhe Mond Hoxha- punonjës në sektor privat.
Pas debateve dhe diskutimeve të zhvilluara gjykata vendosi të ndërpresë shqyrtimin gjyqësor dhe të shtyjë seancën në një datë tjetër për t’i dhënë mundësi palëve dhe ekspertëve.
“Gjykata çmon se për shkak se akti i ekspertimit është voluminoz dhe fakti që është përpiluar nga 5 ekspertë si dhe kohen e gjatë që ka kaluar që ne 2008, u lë kohën ekspertëve që të konsultohen për shënimet dhe dokumentet e tjera. Gjykata vendosi që të procedojë me depozitimin e pyetjeve me shkrim nga palët dhe pastaj me paraqitjen e tyre po me shkrim pas konduktimit, ne kushtet kur kemi të bëjmë me grup ekspertësh, pasi përgjigja kërkon një konsultim të përbashkët me grupin e ekspertëve. Sa më sipër, gjykata vendosi qe të ndërpresë shqyrtimin gjyqësor dhe të shtyjë seancën në një datë tjetër për t’i dhënë mundësi palëve dhe ekspertëve. Ftohen palët të paraqesin pyetjet me shkrim”, thuhet në vendimin e gjykatës.
- Pjesë nga diskutimi në seancë:
Avokati Visha: Kush nga ekspertët ka ndonjë titull akademik qe iu njeh për njohuritë e thella ekonomike?
Ekspertët: Nuk kemi tituj.
Visha: Pretendojmë se ka lajthitje në konkluzione dhe ka tejkalim Të kompetencave te tyre. Dhe ju si gjykatë po na pengoni të bëjmë pyetje për të treguar se si është bërë ky akt ekspertimi.
Ish-ministri i Mbrojtjes Fatmir Mediu: Në vlerësim të aktit të ekspertimit kam disa pyetje. A mund të na thoni se cilat janë përgjegjësitë ekonomiko-financiare të ministrit? Cili është demi ekonomik nga urdhrat e Ministrit? Dua të di çfarë demi ekonomik ka bërë ministri sipas ekspertëve?
Prokurori Klodian Braho: Kjo pyetje duhet të jetë më specifike, që edhe ekspertët mos konfundohen.
Ekspertët: E kemi të vështirë të përgjigjemi për një material që ka më shumë se 500 faqe. Ne duam të na jepet mundësia të kemi kohë për të dhënë përgjigje.
Fatmir Mediu: Regjistrimi i kompanisë është detyrë e Ministrisë së Mbrojtjes, apo firmës?
Klodian Braho; Nuk pranohet si pyetje, është pyetje juridike.
Fatmir Mediu: Unë mendoj që ky akt ekspertimi përballë prokurorisë, shtron detyrimin që SPAK të përcaktojë kush janë përgjegjësitë ligjore të ministrit të Mbrojtjes. Ky akt ka brenda mbi 15 pyetje për çështje qe nuk kanë lidhje me këtë proces. Prokuroria është ne pozicion komod të bëjë çdo lloj pyetje dhe unë nuk paskam mundësinë te sqaroj rrethane time?
Klodian Braho: Deformimi që i bën i pandehuri faktor, është i papranueshëm e aq më tepër ti kërkoi llogari ekspertëve. I kemi kërkuar llogari ministrit që se ka lidhur kontratë me SAC kur kjo kompani nuk ishte e regjistruar në tatime. Dhe e keni urdhëruar ju me urdhrin 550.
