Kreu i Forumit Rinor të Partisë Demokratike, Besart Xhaferri ka reaguar për propagandën e qeverisë Rama për hapjen e tunelit të Llogarasë.
Xhaferri thekson se ajo ç’ka po ofrohet si dhuratë është ndërtuar në fakt nga taksat e këtij populli dhe sërish ata duhet të paguajnë për të kaluar në këtë aks rrugor.
Postimi:
Tuneli i Llogarasë, pas propagandës dhe tallavasë nis pagesa e Haraçit!
Plot 170 milionë euro nga taksat e shqiptarëve kanë shkuar për tunelin e Llogarasë, që po propandohet nga qeveria si dhuratë e saj për popullin shqiptar.
Por duke nisur nga 1 Janari i 2025 çdo automjet që do të kalojë në tunelin me gjatësi prej 5.9 kilometrash do duhet të paguajë plot 5 euro për kalim ose 10 euro vajtje-ardhje, me pak fjalë 1 euro për kilometër, tarifë në propocion për shpenzimet rilindase për ndërtimin e 1 kilometri rrugë.
Për një qytetar të qarkut të Kukësit apo qytetar që vjen nga qytetet e Kosovës për të shkuar nga Kukësi në Sarandë dhe për t’u kthyer duhet të paguajë 24.2 euro ne trarët e haraçit Rilindjes, duke nisur nga 5 euro në traun e Rrugës Kombit të ndërtuar nga qeveria Berisha për të vijuar me tarifën 2.1 euro në Thumanë-Kashar dhe për ta mbyllur me 5 euro në tunelin e Llogarasë.
Këto tarifa janë në vendin më të varfër të Evropës, ku ndër të tjera populli paguan karburantin më të shtrenjtë në Evropë për shkak të taksave shtetërore, ku përfshihet dhe taksa e qarkullimit.
Në 11 Korrik do jemi në shesh edhe kundër rrugëve të florinjta dhe trarëve të haraçit që i janë kthyer në barrë shqiptarëve të varfër.
Qëndresa dhe përballja janë alternativa jonë e vetme.
