Mjekja e pezulluar e përfshirë në skandalin e ndodhur tek Onkologjiku në QSUT, Alketa Pere (Ymeri) ka deklaruar mbrëmjen e djeshme në “Top Story” se është personi më i stresuar në këtë dosje.
Ajo ka deklaruar se ka pasur mungesë mjekimi në spitalin Onkologjik dhe e pyetur se përse nuk e bën denoncimin publikisht, ajo u shpreh “kam hallet e mia”. Alketa Pere deklaroi se mendonte se kryeministri Edi Rama do të shpallte luftë kundër kancerit, por e shpalli kundër mjekëve që sipas saj, nuk janë kriminelë.
Mjekja tha më tej se rreth skandalit tek Onkologjiku i ka dërguar letër ish-ministres së Shëndetësisë Ogerta Manastirliu, oir që nuk ka marrë përgjigje.
Alketa: Unë kam shkuar dhe të zyra e zv.ministres edhe para një jave
Osman Stafa: Pse nuk e bëni denoncimin publikisht?
Alketa Pere: Nuk e bëj dot, kam hallet e mia tani, kam shkuar te zv ministrja e bashkë me kolegun tim më ishin ofruar për të bërë punë shkencore me prova klinike. Përgatita dosjen dhe i komunikova të lutem na ndihmo ti bëjmë kartelat elekoktrine. Kaq munda kaq bëra për atë institucion.
Alma Demiraj: Kemi një regjistër kombëtar të kancerit, e menaxhon Alban Ylli
Alketa: Rama mendova se do shpallte strategjinë e luftës kundër kancerit, por shpalli strategjinë e luftës kundër mjekëve. Nuk ka mjekë kriminelë, nuk njoh ndonjë mjek kriminel.
Alma: E ndjeni veten fajtore?
Alketa Pere: Personi që është stresuar më shumë në këtë proces jam unë, se jam para pacientëve
Curri: Ju nuk keni lënë gjurmë në shtet që ne kemi këtë situatë
Alketa: Kam lënë gjurmë, i kam dërguar letër edhe zonjës Manastirliu, nuk më ka kthyer asnjë përgjigje. I kam thënë zonja ministre, ia kam dërguar edhe rektorit.
