Prokuroria e Fierit ka dhënë pretencën për vrasjen e 77-vjeçarit Haxhi Balla dhe plagosjen e djalit të tij, Aleks Balla, ku si autorë akuzohen dy vëllezërit Armando Boriçi dhe si bashkëpunëtor vëllai i tij, ngjarje kjo e ndodhur më 20 korrik të vitit 2022 në lagjen “Afrim i Ri” në Fier.
Më konkretisht, për Armando Boriçin ka kërkuar dënimin me 25 vite burgim, ndërsa për vëllain e tij, G. Boriçi ka kërkuar 17 vite burgim
Ngjarja ndodhi nga një konflikt i çastit ku babë e bir ndezën një zjarr në shkurret aty pranë banesës së tyre, gjë që duket se shqetësoi vëllezërit Boriçi, të cilët ishin fqinj me viktimën. Gjatë konfliktit, Armando Boriçi plagosi me thikë babë e bir, ku 77-vjeçari Haxhi Balla ndërroi jetë në spital.
Do të jetë gjykata që do të vendosë masën e dënimit.
