Pas në media qarkulloi lajmi se u ishte dhënë urdhër të gjitha strukturave për fikjen e pajisjeve kompjuterike, nën dyshimin për një sulm kibernetik, ka reaguar edhe Policia e Shtetit.
Përmes një reagimi, Policia e Shtetit ka sqaruar se janë masa parandaluese dhe se nuk ka pasur sulm kibernetik.
Të gjitha strukturave të Policisë së Shtetit u është dhënë urdhër që të fikin çdo pajisje kompjuterike.
Postimi:
Reagim i Policisë së Shtetit
Lidhur me publikimet e ndryshme në media për një sulm kibernetik, Policia e Shtetit sqaron opinionin publik se në mënyrë të vazhdueshme, në bazë të një pune profesionale parandaluese, merr masa për forcimin e garantimin e sigurisë dhe mirëfunksionimin e sistemeve në përdorim.
Sistemet në përdorim nga Policia e Shtetit vazhdojnë funksionimin e tyre normalisht.
