Avokati i Berishës, Genc Gjokutaj ka komentuar vendimin e Apelit të GJKKO e cila nuk ka hequr masën e sigurisë për kreun e PD, Sali Berishën.
Gjokutaj është shprehur se jemi në një estradë politike pasi zgjatimi i afateve të hetimit për liderin e opozitës është një artificë për të lënë në arrest shtëpiak Berishën.
“Çështja e Berishës në vend që të merret si kauzës i vendimmarrjes ligjore për rikthimin e pronave pronarëve të ligjshëm është në kundërshti si nga forma dhe nga përmbajtja për vjedhjet ordinere që po ndodhi nga kjo qeveri.
Lidhur me çështjen e Berishës dua të them që kjo po zbehet dita ditës pasi vetë dinamika e hetimit po degradon në mbledhjen e dokumentave. Të kesh në dorë tre vjet një kallëzim dhe tetë muaj hetim dhe ti pas këtyre muajve të vendosësh që të bësh një akt ekspertimi është qesharake.
Akti i tillë ekspertimi nuk ka lidhje me akuzat e SPAK ndaj Berishës dhe Malltezit, por është një justifikim procedural që të rrëmbejë një zgjatje tjetër afati për liderin e opozitës.
Terma e të tilla që të merren masa kundër zjarrit, kontributeve patriotik nuk kanë lidhje as të tërthortë jo më të drejtpërdrejtë me akuzën e korrupsionit pasiv të bërë nga një kryeministër në bashkëpunim me dhëndrin e tij.
Si nga pikëpamja e mekanizmit të ngjarjes si nga pikëpamja e shkakut dhe pasojës ku mos ekzistenca e njëkohshme e të cilave sjellë automatikisht pafajësinë e të gjithë personave në hetim, pra kjo është një estradë juridike dhe e cila ka si qëllim mbulimin e korrupsionit galopant nga qeveria. I gjithë spektri i fushës së drejtësisë ligjet po shkelen në mënyrë flagrante.”, tha Gjokutaj per Syri tv.
