Eksperti i ekonomisë Pano Soko, ka deklaruar në një video në TikTok, se në 5 ditët e para të Euro2024, në Shqipëri janë luajtur 30 milionë euro baste.
Më tej Soko, thekson se kjo shumë e luajtur, duhet sillte në buxhetin e shtetit, të paktën 3 milion euro, por zvarritja e qëllimshme e hapjeve të basteve të ligjshme, ka bërë që këto para të mungojnë në buxhetin.
Në fund ai, nuk lë pa thumbuar as deputetin socialist Erion Braçe, për të cilin deklaron se është i shqetësuar për taksat ndaj pastruesve.
“30 milionë euro baste janë vendosur këto 5 ditët e para të kampionatit europian në Shqipëri, thoshte njëri në tiktok dhe që merret me këto punë.
Tani pyetja që unë kam, është për Ministrin e Financave, edhe këto bordet dhe komisionet që ka ngritur ai, ku janë lekët e taksave?
Ku janë 3 milionë, pasi ligji thotë 10% taksa dhe në buxhet duhet të kishim, 3 milionë taksa! Pse si kemi?
A u legalizuan bastet? Që do të thotë se sot duhet të kishim kompani që duhet të paguanin taksa një për një në buxhet, pse si kemi?
Se unë e di që këto bastet e jashtëligjshme, janë të gatshëm që të paguajnë sa qimet e kokës, për të zvarritur procesin e legalizimit dhe pagesës së taksave. Me pak fjalë, janë gati të të paguajnë sa qimet e kokës, kujdo që e kanë dorë këtë proces, që ta zvarrisin procesin.
Po nuk i kemi 3 milionë euro në buzhet? Se nuk e them për gjë, por kam hallin e Erion Braçes që shqetësohet se nuk paguan taksa. Vetëm këtë problem kam, se shqetësohet shumë ai.”, tha Pano Soko.
@panosoko Ku jane 3 milionë Euro taksa? #panosoko ♬ original sound – Pano Soko
