Ish-ministri i Bujqësisë, Edmond Panariti ka folur për rënien pikiatë të bujqësisë dhe blegtorisë në Shqipëri, që sipas tij vjen si pasojë e financimit mjeran nga ana e qeverisë.
Panariti ka theksuar se blegtoria po shkon drejt falimentimit pasi ‘ne japim 12 euro për kokë bagëti të imëta, kemi vendosur edhe një prag diskriminues që duhet të kesh mbi 100 krerë për të përfituar këtë masë subvencioni dhe po pate mbi 300 krerë as 12 euro nuk i përfiton por merr 6 euro’.
Ndërkohë që sipas ish-ministrit të Bujqësisë, Kosova jep dyfishin e financimit, 25 euro, ndërsa Serbia jep 40 euro.
“Blegtoria po shkon drejt asgjësimit. Për sa kohë ne nuk e financojmë, financimi i blegtorisë te ne është mjeran. Ne japim 12 euro për kokë bagëti të imëta, kemi vendosur edhe një prag diskriminues që duhet të kesh mbi 100 krerë për të përfituar këtë masë subvencioni dhe po pate mbi 300 krerë as 12 euro nuk i përfiton por merr 6 euro. Kjo bën të mundur që praktikisht blegtoria të ngelet e pafinancuar.
Ndërkohë që Kosova jep dyfishin e financimit, 25 euro, ndërsa Serbia jep 40 euro.
Ndërkohë ne aplikojmë një regjim fiskal paralizues, ne ngarkojmë prodhimin vendas me një tatim mbi vlerën e shtuar për 20% i cili nuk rimbursohet më, ngarkohet totalisht duke rritur koston e prodhimit.
Të gjithë këto faktorë bëjnë që qumështi jonë të prodhohet me kosto të lartë dhe të mos konkurojë me qumëshin e importit i cili për fat të keq po përmbyt merkatot tona por edhe fabrikat tonë të përpunimit të qumështit të cilët ishin investime shqiptare që u krijuan pikërisht për të përpunuar qumështin e blegtorit shqiptarë dhe nuk janë më të interesuar për ta blerë këtë qëmësht dhe e kanë më të favorshme për tu orientuar tek tregu rajonal duke importuar sasira të konsiderueshme qumështi nga fqinjët tanë nga Maqedonia e Veriut, Kosova, Bosnja, Serbia etj”, tha Panariti per Syri tv.
