Nënkryetari i Këshillit Bashkiak të Tiranës nga radhët e opozitës, Dorjan Teliti ka qenë i pranishëm në tubimin e sotëm poshtë banesës së kreut të PD-së, Sali Berisha,
Gjatë fjalës së tij, Teliti denoncoi blerjen e biletës së avionit për në Dortmund me vlerë 3500 euro, të paguar nga buxheti i bashkisë. Sipas Telitit, ajo bileta s’ka se si të ishte për dikë tjetër, përveç se për kryetarin e Bashkisë.
Ai deklaroi se me 3500 euro paguhen 60 ndihma ekonomike për 60 familje në nevojë.
“167 ditë sot , 167 ditë që kur në këtë foltore hypin të rinj dhe të reja, pensionistë, sipërmarrës, përfaqësues politikë, që të flasin për hallet e problemet e njerezve. Njerëz që nuk frikesohen dhe nuk reshtin së denoncuari aferat korruptive klienteliste të qeverisë Rama dhe Veliaj. Dy ditë më parë ishim në protestën para bashkisë Tiranë, i patë frikacakët, i patë frikacakët e rrethuar me gardhe policore, i patë se si nuk guxojnë dot të dalin para qytetarëve të japin llogari.
Dhe çfarë bënte Erion Veliaj? Siç doli në media 3500 euro harxhoi bashkia e Tiranës këtë të enjte për të blerë vetëm një bletë avioni, për vetëm një biletë avioni, e përsëris. Po për kë është kjo biletë përvec se për kryetarin e Bashkisë?! 3500 euro me sa duket Erion Veliaj i shpenzon pa e vrarë mendjen ndonëse ato janë 60 ndihma ekonomike për 60 familje në nevojë.” – tha Teliti.
