Kryedemokrati Sali Berisha, gjatë fjalës së mbajtur para qytetarëve në tubimin e përnatshëm, ka akuzuar weveritarët se si hordhi janë derdhur drejt Dortmundit me paratë që u janë vjedhur shqiptarëve.
“Të dashur miq, narkoshteti është shteti më i shëmtuar në të gjitha aspektet.
Ndeshja që zhvillohet sonte ka mbyllur të gjitha dyqanet qeveritare.
Ka mbyllur zyrat, ka mbyllur parlamentin tre ditë para.
Hordhia e zyrtarëve shqiptarë, të urryer të gjithë nga fansat kuqezi, janë derdhur drejt Dortmundit për të përtypur paratë e vjedhura të shqiptarëve.
Haram i paçin.
Për hundë do ua nxjerrim!
Beteja jonë është betejë për çdo shqiptar.
Është betejë për të sotmen, për të ardhmen e këtij vendi.
Është betejë që shqiptarët të mos braktisin vendin e tyre.
Është betejë që shqiptarët të jetojnë me dinjitet në këtë vend.”– thotë Berisha.
Lideri i opozitës i ka uruar fitore ekipit tonë kombëtar pak minuta para se ndeshja të startojë.
“Miqtë e mi, pak çaste na ndajnë, më pak se një orë nga ndeshja e kombëtares tonë në Dortmund me kombëtaren e Italisë.
Është nder i madh të ndeshesh me njërën prej skuadrave më të forta të planetit, me një traditë të shkëlqyer. Por akoma është më nder kur një skuadër e tillë ka frikë reale nga skuadra jonë kombëtare.
Prandaj edhe njëherë, le t’i urojmë suksese dhe fitore ekipit tonë kombëtar, futbollistëve, kapitenit, trajnerit dhe federatës.”– tha Berisha.
Berisha ka përshëndetur tifozët që kanë shpalosur në stadiumin e Dortmundit, parullën ‘Rama ik’.
“Por një përshëndetje shumë të përzemërt tifozëve kuqezi, të cilët sot janë magjia e Dortmundit.
Miqtë e mi, me këtë rast në emër tuaj dua të përshëndes edhe ata guximtarë që kanë shpalosur në këto momente në stadiumin e Dortmundit parullën: Rama ik! Rama ik! Ai edhe mund të mos ikë, por të paktën syrin e tij të keq e presin me atë parullë.
Kombi u është mirënjohës për aktin e tyre patriotik.”– deklraon Berisha.
