Pas mbledhjesh maratonë me Kryesinë e tij dhe Kolegjin e Kryetarëve, deputeti Lulzim Basha sërish ka dalë pa një vendim mbi të ardhmen se çdo të bëjë me grupimin e tij, pasi Gjykata e Apelit i dha vulën e PD-së, Sali Berishës.
Në një prononcim për mediat pas takimeve, Basha tha se fillimishit do të bisedojë me shqiptarët dhe më pas do të marrin një vendim. Sipas tij, demokrat nuk të bën vula, por vlerat dhe parimet, teksa theksoi se betejën nuk e ka patur për karrige.
Basha akuzoi se ka një bashkëpunim mes Sali Berishës dhe Edi Ramës.. ku sipas tij, sot ka triumfuar një koalicion antivlerash, që mban peng tranzicionin e tejzgjatur shqiptar. Basha mburri veten se ai është kundërshtari i vetëm serioz i kryeministrit Edi Rama.
Lulzim Basha: Një gjë është e sigurt që demokrat nuk të bën vula, por vlerat dhe parimet. Parimet tona janë ato të një Shqipëria demokratike dhe europiane. Ne na lidhin shumë gjëra, por ajo që na lidh është se Shqipëria dhe shqiptarët meritojnë më shumë. Ne na lidh bindja me shqiptarët se ata meritojnë fundin e ciklit të dhimbshëm të tranzicionit. Për këtë si demokrat dhe si shqiptar marrim përgjegjësitë tona. Me këtë vetëdije do ta vazhdojmë bashkëbisedimin me shqiptarët dhe demokratët dhe më pas do ta vendosim. Ajo që kemi vendosur është që mos lëmë askënd pa marrë me vete në këtë vendimmarrje. Kjo betejë nuk ka qenë kurrë për vulë e për karrige. Ne do të gjejmë rrugën më të mirë. Duket qartë se është përvijuar koalicion antivlerash në horizont dhe ka alibi për të mbajtur Ramën në pushtet.
Kjo qeveri ka zvogëluar hapësirat për debat publik. PD dhe demokratët do të largojnë këtë qeveri, nëse vendimet i shërbejnë kësaj, do të ecim përpara. Nuk mund të mbajmë në këmbë pazare të vjetra. Ne luftojmë për interesat e njerëzve dhe jo personale. Nëse do të dish sesi ndihem, unë ndihem demokrat dhe ne kemi përgjegjësi ndaj të gjithë atyre që këtë betejë e bëjnë për idealet demokratike. Rama kundërshtar serioz të tij ka pasur vetëm Bashën.
Pyetje: Parti të re apo betejë ligjore?
Basha: Ajo që kemi vendosur është që të mos lemë askënd jashtë. Ka me mija demokratë që besojnë si ne. Bashkë me demokratët do gjejmë rrugët më të mira për ta cuar përpara këtë vizion. Nuk kemi ndërmend të biem pre e kësaj loje. Shqiptarët dhe demokratët duan të dinë si të largojmë këtë qeveri.
Pyetje: A jeni për krijimin e një partie të re?
Basha: Unë ndikohem demokrat dhe si demokrat bashkë me kolegët kemi një përgjegjësi që ketë betejë e bëjmë për vlerat e demokratëve. Jemi në një situtë ku duhen marrë vendime serioze. Partneriteti ynë është më shqiptarët dhe demorkatët dhe me partnerët euroatlantik.
Pyetje: Është hedhur ideja e rekursit dhe a po konsiderohet?
Basha: Po është hedhur dhe po konsiderohet nga juristët, ka një konstatim juridik që vendimi është i padrejtë i pabazuar në ligj.
Kauza jonë nuk është kauzë që sjell rreth vetes ushtarë të kryetarit, zyrtarë apo ish zyrtarë të korruptuar. Vemje apo servilë. Angazhimi ynë është për një Shqipëri më të mirë. Për një Shqipëri që meriton më shumë.
Pyetje: Keni frikë ndaj largimeve të strukturave?
Basha: Strukturat janë në një mendje, prioriteti ynë është angazhimi për një Shqipëri të mirë dhe në funksion të kësaj do marrim të gjitha vendimet.
