Policia e Shkodrës ka reaguar në lidhje me plagosjen me armë zjarri në këmbë të një të riu në Shkodër.
Ngjarja ndodhi rreth orës 22:30, të datës 09.06.2024, në lagjen “Mark Lula”. Ndue Preka po ecte në këmbë në momentin kur është qëlluar ndaj tij.
Plumbat kanë goditur edhe një makinë të parkuar. Deri më tani policia nuk jep detaje rreth motiveve të ngjarjes.
“Rreth orës 22:30, të datës 09.06.2024, në lagjen “Mark Lula”, është dëmtuar lehtë në këmbë dyshohet me armë zjarri pistoletë shtetasi N. P., 30 vjeç, i cili pas marrjes së ndihmës mjekësore u shoqërua në Komisariat për sqarimin e rrethanave.
Grupi hetimor në drejtimin e Prokurorisë, po punon për zbardhjen e rrethanave dhe dokumentimin ligjor të rastit”, thuhet në njoftimin e shkurtër të policisë.
- Kush është “Noja” i famshëm?
Ndue Preka u bë i njohur para disa vitesh, për shkak të një video që bëri xhiron e rrjetit. Në pamje shfaqej Margarita Gjoni, e cila në atë kohë u arrestua nga Policia e Shkodrës, duke dhunuar barbarisht shtetasen Brisilda Rroku, pasi kishte marrë vesh se kjo e fundit kishte kryer marrëdhënie seksuale me të dashurin e saj, i cili ishte Ndue Preka, teksa në video ajo i referohej me emrin “Noja”.
