Detaje të reja tronditëse kanë dalë në dritë nga ngjarja e rëndë që ka ndodhur në Dhërmi ku 43-vjeçari Gerald Shehu ka vrarë me armë zjarrin recepsionistin e një hoteli të identifikuar si Eraldo Nevruzi 31-vjeç.
Mësohet se ngjarja ka ndodhur në hotelin e njohur si “Greccia” dhe sipas burimeve paraprake autori i krimit është dhëndri i pronares së hotelit.
Pak më parë u raportua se recepsionisti ishte marrë peng nga Shehu por burime bëjnë me dije se në një nga dhomat e hotelit janë gjetur gjurmë gjaku dhe dyshohet se krimi ka ndodhur brenda hotelit.
Policia e Shtetit ka shpallur në kërkim autorin e dyshuar, shtetasin Geraldo Shehut (bashkëpronar i hotelit ku punonte shtetasi Eraldo Novruzi) dhe po bashkëpunon me Policinë greke për të bërë të mundur lokalizimin dhe kapjen e tij teksa pas vrasjes autori është arratisur drejt vendit fqinj.
Nga hetimet e deritanishme, pamjet filmike të sekuestruara dhe dëshmitë e marra, dyshohet se shtetasi Geraldo Shehut ka qëlluar me armë zjarri ndaj shtetasit Eraldo Novruzi.
