Presidenti i PL-së Ilir Meta e ka konsideruar ngritjen e Komisionit Anti-Korrupsion nga ana e mazhorancës, si diçka të turpshme dhe skandaloze.
Gjatë një konference me gazetarët, Meta tha se kryeministrin Edi Rama nuk e ka penguar askush të ndalë korrupsionin, dhe tha që ka ai ka psur shumë instrumenta për ta bërë diçka të tillë.
“Të marrësh pjesë në një komision për të legjitimuar ramaformën, e cila shkatërroi reformën duke uzurpuar të gjitha institucionet e drejtësisë, që nga betimet e anëtarëve të GJK te Lana dhe gjithë këto tjetrat. Që nga afirmimi i gjykatësve me tre katër emra që përdoren për të mbajtur të izoluar Berishën.
Të kalosh nga komisioni i Reformës te komisioni i ramaformës, me kontroll absolut të mazhorancës, është gjëja më e turpshme dhe skandaloze. Askush nuk e ka penguar Ramën të luftojë korrupsionin. Askush nuk ka patur më shumë instrumente se ai, madje më shumë se Ramiz Alia.
Ky i ka paurt të gjithë, ka patur dhe 120 deputetë atje dhe ju e dini çfarë bëri. Vetëm ligje me porosi, për klientët e tij dhe për të vjedhur çnjerëzisht’”, tha Meta.
