Policia e Vlorës ka goditur një rast të kultivimit të kanabisit, në fshatin Rromës, në vendin e quajtur “Përroi i njomë”, ku u gjetën të mbjellë 135 fidanë dhe bimë narkotike cannabis sativa.
Si pasojë u arrestuan babë e birë të moshës 58 dhe 26 -vjeçare, ndërsa bimët u dogjën nga efektivët e policisë.
Materialet procedurale i kaluan Prokurorisë së Vlorës, për veprime të mëtejshme hetimore.
“Vijon megaoperacioni kombëtar anticannabis i koduar “Territor i pastër”, me kontrolle intensive në të gjithë territorin e qarkut. Si rezultat i një hetimi njëmujor, u godit një rast i kultivimit të bimëve narkotike, në fshatin Rromës. Sekuestrohen 135 fidanë dhe bimë narkotike cannabis sativa.
Vihen në pranga 2 shtetas (babë e bir), autorë të dyshuar të kësaj veprimtarie kriminale. Si rezultat i një hetimi me metoda proaktive dhe i kontrolleve në të gjithë territorin e qarkut, të kryera në kuadër të megaoperacionit kombëtar anticannabis të koduar “Territor i pastër”, Sektori i Narkotikëve i DVP Vlorë ka goditur një rast të kultivimit të bimëve narkotike, në fshatin Rromës, në vendin e quajtur “Përroi i njomë”, ku u gjetën të mbjellë 135 fidanë dhe bimë narkotike cannabis sativa.
Në vijim të veprimeve hetimore, u ndaluan 2 autorët e dyshuar të kësaj veprimtarie kriminale, shtetasit N. B., 58 vjeç dhe A. B., 26 vjeç (babë e bir), banues në Vlorë.”, thuhet në njoftimin e Policisë.
