Kryeministrja e Italisë, Giorgia Meloni do të vijë në Tiranë javën e ardhshme, të mërkurën 5 qershor. Lajmi konfirmohet nga burime qeveritare të mediave përtej Adriatikut.
Vizita do të bëhet në kuadër të Javës së Kulturës italiane në Shqipëri. Ende nuk dihet agjenda e takimeve që kryeministrja italiane mund të ketë në Tiranë
Vizita e Melonit zhvillohet në një kohë kur opozita në Itali ka krijuar polemika për ndërtimin e dy kampeve për refugjatët në Shëngjin dhe Gjadër, rezultat i memorandumit të mirëkuptimit të nënshkruar nga Italia dhe Shqipëria, më 6 nëntor të vitit të kaluar.
Vizita e kryeministres italiane në Tiranë zhvillohet pak ditë përpara zgjedhjeve për Parlamentin Europian që do të zhvillohen në 8-9 qershor.
