Juristi Ylli Manjani tha në Euronews Albania se Komisioni i Posaçëm antikorrupsion i votuar sot nga mazhoranca synon të ndryshojë reformën në drejtësi duke prekur ligje që janë votuar me 3/5. Sipas tij, gjithçka po bëhet nga mazhoranca në fshehtësi të plotë dhe me kontributin e SHBA dhe BE.
“Fatmir Xhafaj është duke e ndryshuar sot reformën në drejtësi në mënyrë sekrete dhe me kontributin e BE dhe ambasadës amerikane në mënyrë të fshehtë, ka komente mbi projektligje, skandal, turp e faqe zezë. Bëjnë ligje fshehtas për t’i bërë fakt të kryer, këta që thonë s’e prekin reformën, e kanë prekur. Këto lloj enturazhesh diplomatike i shërbejnë ligjeve të fshehta. Sot parlamenti… është dokumenti si BE ka bërë komente mbi pr.ligje, ku janë pr.ligjet? Ne s’dikemi gjë e di BE, Fatmir Xhafaj i ka bërë ato ligje, dhe komisionin e kanë bërë si ALUIZNI për të legalizuar pisllëqet që kanë bërë fshehtas, preken ligje me 3/5 dhe ne nuk e dime, deputetët nuk e dinë, i kanë bërë fshehtas”, tha Manjani.
Manjani është shprehur kategorikisht kundër ngritjes së Komisionit të Posaçëm anti-korrupsion, pasi sipas tij, është kapje e drejtësisë nga qeveria dhe ndërhyrje në ligjet me 3/5.
Ai tha se gjysma e deputetëve të PD-së nuk kanë asnjë dijeni për këtë komision. Sipas Manjanit për këtë komision kanë dijeni vetëm një grup deputetësh i përfaqësuar nga Gazment Bardhi.
“Kanë ndërhyrë mbi 4 ligje të drejtësisë. Edhe mbi ligjin për SPAK. Gjoja nuk e preknin këta ligjin për SPAK. Meqë më pyete se çfarë është komisioni, është ligji i legalizimit, aluizni i pisllëqeve të bodrumeve të Parlamentit komunist të Shqipërisë. A ka nevojë të preket sistemi i drejtësisë? Po, por të përmirësohet. Ka nevojë për një gjykatë mbi palët, për një gjykatës të përjetshëm në detyrë. Ka shumë vend për ndërhyrje dhe këto duhen bërë në transparencë, në konsultime politike. Këtu gjysma e deputetëve të PD nuk dinë gjë fare çfarë bëhet. Ka një grup që përfaqësohet nga Gazment Bardhi që është në dijeni të këtyre sekretllëqeve dhe Bardhi ka barrën të thotë di apo nuk di gjë. Nuk është e rastësishme që në të gjitha këto komisionet që ngre Rama është Bardhi anëtar. Ajo është vendosur në bodrum për ta bërë fakt të kryer, siç u bë edhe Reforma në Drejtësi”, tha Manjani.
