Politologu Ilir Kalemaj, duke folur në MCN vuri në dukje se kryeministri Edi Rama dhe PS nuk e ka bërë të qartë arsyen e takimeve në diasporë.
Kalemaj tha se turi u shpik në minutën e fundit nga Rama, për arsye elektorale të brendshme, ku përfshihet edhe vota e diasporës. Megjithatë ai thekson se diaspora e Kosovës është shumë herë më e organizuar dhe më e përfshirë në qeverisje, krahasuar me diasporën e Shqipërisë.
“Mbeten dilemat e takimit të parë, për çfarë shkoi z.Rama, për të mbështetur Melonin, për të ndikuar në zgjedhjet për eurodeputetë, përmes shqiptarëve, ne dimë që ka edhe një shqiptar kandidat për europdeputetë, që është një lajm i mirë për shqiptarët, apo shkoi z.Rama për të mobilizuar elektoratin e tij në Shqipëri, në një tur paraelektoral, apo shkoi për votën e emigrantëve, z.Rama s’e ka bërë ndonjëherë të qartë. Apo 5, shkoi për t’i bërë karshillëk Greqisë, sepse tha ndryshe nga Greqia, ku detyroheshit të ndryshonit emrat, në Itali shqiptarët kanë gjetur një mjedis mjaft mikëpritës. Ky ishte më tepër një provokim, dhe u quajt i tillë edhe nga mediat greke. Çështjen e investimeve ai e përmendi, u bëri thirrje. Por shqiptarët s’është se s’duan të investojnë. Ka shumë pengesa burokratike, kaq shumë taksa, ç’garanci juridike mund të kesh në një vend, që thuhet që deri në 2029 s’do lëviz taksën e biznesit të vogël dhe profesionistëve të lirë, dhe i në 1 janar i ndryshon“.
5-6 arsyet që unë rendita në krye të herës, janë arsye që kanë dalë nga PS. Por vet PS dhe z.Rama s’ka nxjerrë një narrativë të qartë përse i bën këto ture. Pse duhet të marrë shumicën dërrmuese të bashkive dhe t’i çojë në Greqi dhe të njëjtën gjë e ka bërë edhe në Itali?! Nuk është problem për të mbushur një sallë. Këtu nuk është çështje organizimi dhe PS s’ka 5 mijë vete për të mbushur një sallë në Milano. Problemi qëndron te fakti që Rama e ka shpikur këtë tur në minutën e fundit, e ka për arsye elektorale të brendshme, ku përfshihet edhe retorika për votën diasporës. Diaspora e Kosovës është shumë herë më e organizuar, edhe brenda strukturave qeverisëse, ndërkohë që në Shqipëri mungon një përthithje e trurit” – tha Kalemaj.
Duke folur mbi Cens-in që pritet të shpallet më 28 qershor, Kalemaj tha se ka informacione se do të nxjerrin 2.3 ose 2.4 milion banorë për popullsinë, por sipas tij, as kjo nuk është shifër reale.
“Një shifër zyrtare e INSTAT thotë që kanë ikur nga 1991, 1,4 milionë shqiptarë. Mendoj që janë shumë më shumë se kaq. Në Cens-in që u shty në mënyrë të paarsyeshme, ku e dhëna primare është sa banorë ka Shqipëria sot. Informacionet që unë kam është që këta do ta nxjerrin 2,3, 2,4 milionë, por kjo s’është shifra reale, ka dyshime që janë marrë gjatë për t’i fryrë shifrat. Primare do të efekti dramatik që do të prodhojë numri i banorëve që janë në Shqipëri” – tha Kalemaj
