Kreu i SPAK, Altin Dumani është përplasur me deputetin e PD-së, Flamur Noka, i cili në Komisionin e Ligjeve i ka bërë një sërë pyetjesh ndër të tjera e ka akuzuar dhe se a mos ndoshta i ka duart e lidhur nga kryeministri Edi Rama, duke iu referuar procedimeve penale ndaj liderëve të opozitës si Sali Berisha, Ilir Meta apo Fatmir Mediu.
Noka e akuzoi Dumanin se lideri i PD-së, Sali Berisha po mbahet nën masën e arrestit pa asnjë akuzë, duke e konsideruar si rast unik. Gjithashtu, ai i kërkoi llogari edhe se ku e bazon në ligj që pengimin e kryetarit të PD për të marrë pjesë në funksionin e tij kushtetues të deputetit në parlament.
Altin Dumani iu përgjigj Flamur Nokës se nuk është peng i askujt dhe se nuk i ka patur duart e lidhur as në vitin 2008 dhe as në vitin 2023. Sipas tij, drejtësia nuk sfidohet, duke iu referuar masës së arrestit ndaj Berishës.
Në lidhje me dekonspirimin për operacionin “Metamorfoza” kundër krimit, Dumani e konsideroi si ofenduese atë akuzë ndaj tij.
Flamur Noka: Mos vallë i keni duart e lidhura? Mos vallë keni një ngërç diku sepse Rama funksionon edhe me pengmarrje dhe ne e njohim se si funksionon Edi Rama. Ju sot keni 18 prokurorë, janë edhe 60 hetues të BKH. Task-forca e luftës kundër krimit dhe korrupsionit në atë kohë nuk kishte as gjysmën e këtij stafi, keni qenë edhe ju. Pra pyetja është se si e shpjegoni dhe mos vallë i keni duart e lidhura. E them këtë duke e ditur se si funksionon Rama.
Pyetja e dytë, ju i keni hapur proces ligjor kryetarit të PD dhe opozitës pa asnjë fakt dhe asnjë provë. Sot mbani të burgosur politik atë pa akuzë. Rast unik dhe i pabazuar në ligj. Sigurisht nisët një proces ndaj tij në shkelje të Kushtetutës. Gjithashtu keni hapur një proces ligjor ndaj Fatmir Mediut, një drejtues tjetër i opozitës, megjithëse çështja e tij është parashtruar. Proces kundër Ilir Metës, drejtues i një tjetër force opozitare. Mos vallë po përdoreni politikisht për ët luftuar opozitën ose keni një mision të detyruar nga kreu i këtij regjimi? E gjitha kjo perceptohet si luftë ndaj opozitës, ndërkohë që korrupsioni, vjedhja dhe krimi bëhen tjetër kund.
Pyetje tjetër, kryetari i opozitës mbahet sot i burgosur dhe ju i keni ndaluar të drejtën e komunikimit. A mund të thoni ku e bazoni në cilin ligj të shtetit shqiptar bazoheni ju pasi ligji që i referoheni është abroguar në vitin 2017? Ku e bazoni ju ligjërisht pengimin e kryetarit të PD për të marrë pjesë në funksionin e tij kushtetues të deputetit në parlament sepse në bazë të ligjeve të këtij vendi, një vendim i tillë bëhet kur ka vendim të formës së prerë të gjykatës?
Altin Dumani: Mua nuk më rriten veshët as kur më lavdërojnë dhe as kur më shajnë kush me njeh e di shumë mirë se çfarë përfaqësoj, unë i nijeti ngelem. Sot në këtë detyrë që më është besuar po përpiqem të bëj më të mirën. A jemi për tu kritikuar? Patjetër që po, por kur ka vend për tu shqetësuar duhet. Ju referuarar raportit të IDM-së por nuk the vlerësimin për SPAK, e thoje dhe këtë. Ne jemi skain fundor, ngremë akuza fusim njerëz në burg nuk është kurrë kënaqësi! Por kjo është detyra jonë dhe ende nuk flemë të qetë nëse kemi marrë vendim të drejtë apo jo. Por referoju edhe raporteve të ndërkombëtareve për punën e SPAK.
E thash ai që kam qenë ai jam. Si kam pasur duart e lidhura në 2008 dhe as në 2023. Si prokuror,. Jam prokuror nuk jam drejtues. Ky është funksion e lidh veten time me prokuror. Politikë nuk ka shans të më ndikojë kush mua në punën time. 0 shanse në punë time dhe të kolegeve të mi.
Ajo është çështje në hetim nuk mund të prononcohem. Çdo vendim është i kontrollueshme nga sistemi gjyqësor. Drejtësia nuk i mund të sfidohet dhe nuk jam peng i askujt. Sa i takon proceseve penale për të luftuar opozitën? Paskam duar të lidhura unë?
Përgjejgësinë do ta zbulojë hetimi. Hetimi për incenerarotët është në fazën më dinamike. Unë nuk mund të jap më opinione. Si mund të shkosh të shkosh të thuash kështu për”Metoforfozën”? Është shumë fyese dhe denigruse të aludosh për personat që të cilët me mish dhe me thua janë përpjekur të hetojnë një çështje kaq komplese. Ne si prokurori nuk arrestojme, ne bëjmë hetime. Nuk më akuzon mua policia nuk ka shans, ti e di shumë mirë këtë. Të kërkoj ndjesë për tonin. Unë nuk ec me të dëgjuar, unë ec me prova. Dakord, ky është standardi, jemi të ndryshëm
