Një plagosje me armë zjarri është regjistruar mbrëmjen e djeshme në qytetin e Durrësit.
Një person ka shkuar në spitalin e qytetit bregdetar për të marrë ndihmë mjekësore, teksa ishte plagosur me armë zjarri në këmbë. I plagosuri është shtetasi Eduart Buçeza 24 vjeç, banues në Shënavlash.
Sipas autoriteteve policore, plagosja dyshohet se ka ndodhur pranë banesës së 24-vjeçarit në rrethana ende të paqarta.
Policia e Durrësit po punon për zbardhjen e plotë të rrethanave të kësaj ngjarje.
