Pas zbërthimit të aplikacionit “Sky ECC”, Gjykata e Posaçme ka firmosur mbi 40 urdhër arreste për personazhe të personazhe të botës së krimit.
Mediat bëjnë me dije se në pranga ka rënë edhe biznesmeni nga Velipoja, Mir Bruli, si i dyshuar për veprimtari kriminale.
Mir Bruli është një i afërm i biznesmenit Pëllumb Gjoka i cili është i arrestuar si pjesë e dosjes “Metamorfoza”.
Pak kohë më parë një prej bizneseve të Mir Brulit në pjesën e Vilunit në plazhin e Velipojës u shemb nga IKMT si ndërtim pa leje. Mir Bruli është i njohur për bizneset në plazhin e Velipojës, lokale, restorante dhe hoteleri ndërsa është i dyshuar nga SPAK si i përfshirë në veprimtari të ndryshme kriminale.
Arrestimi i tij është bërë në orët e mëngjesit të sotëm nga forca të shumta policie të cilët bënë të mundur prangosjen e biznesmenit.
