I është vetë-dorëzuar Policisë 23-vjeçari Azgan Mërnica, i cili akuzohet se dy ditë më parë ekzekutoi me armë zjarri efektin e forcave “Shqiponja” Novruz Cenalia, 28 vjeç, në fshatin Baltëz të Fierit.
Burime për mediat bëjnë me dije se uniformat blu e kishte e lokalizuar dhe i kishte thënë familjarëve të Azgan Mërnicës që të vetëdorëzohet, ndryshe do të neutralizohej.
“Boldnews” publikon pamjet video ku tregohet momentin e vetëdorëzimit të autorit tw dyshuar tw vrasjes së policit 28-vjeçar të “Shqiponjave”, Novruz Cenaliaj.
Nga pamjet shihet se Mërnica hipën në një automjet të policisë për t’u drejtuar në Drejtorinë e Policisë së Fierit.
Mërnica fshihej në një banesë në fshatin Dërmenas, ku më pas shkuan forcat RENEA, pas negociatave nga babai dhe daja i tij, për ta dorëzuar. Mërnica ishte shpallur në kërkim prej tre ditësh nga policia, pasi ai u arratis nga vendi ku ndodhi ngjarja, në fshatin Baltëz të Fierit.
- Si ndodhi krimi i rëndë?
Dyshohet, se Novruz Cenaliaj 28 vjeç, veshur me uniformën e policit pati një konflikt të momentit me Azgan Mernicën.
Dy të rinjtë, banues në të njejtin fshat, u konfliktuan verbalisht dhe më pas fizikisht për kalimin në rrugën e ngushtë që po përshkonin me makinë.
Gjatë konfrontimit, 23 vjeçari e ka qëlluar me një plumb në kokë efektivin duke i shkaktuar vdekjen.
Këtë të mërkurë, Cenaliaj u përcoll për në banesën e fundit. Homazhet për të u zhvilluan në Teatrin “Bylis” në Fier.
