Avokati Ylli Manjani i ftuar në ‘A Show’ me Adi Krastën në SYRI TV, ka folur për takimin e Edi Ramës me administratën, të zhvilluar këtë herë në Athinë.
Gjatë bisedës, Manjani deklaroi se shqiptarët kanë ikur në Greqi, që të mos dëgjojnë Edi Ramën. Manjani tha se, grekët e morën Ramën nga aeroporti në një kafaz dhe e futën në sallë dhe më pas njësoj, e dërguan në aeroport.
‘I gjithë shou i Athinës, është një shfaqje pa kuptim, pa sens. Cili ishte qëllimi, çfarë donte të thoshte ky, që unë jam kryeministri i shqiptarëve në Greqi. E çfarë pastaj?
Shqiptarët në Greqi nuk kanë asnjë ndikim në jetën politike greke.
Nëse duam ti tregojmë Greqisë forcën, nuk ja tregojmë dot, sepse çoi shqiptarë nga Shqipëria për të mbushur sallën atje.
Sepse shqiptarët në Greqi, prandaj kanë ikur për të mos dëgjuar Edi Ramën.
Kanë ikur për të mos u bërë dëshmitarë i këtyre lloj turpeve që të ulen në gjunjë. E para.
E dyta, çfarë duam ti tregojmë Greqisë ne, që ky politikan është i zoti, çfarë bën ky.
As nuk e pritën, as nuk e nderuar si kryeministër. E morën si një mi në kafaz, nga aeroporti, është futur edhe nga mbrapa sallës që të mos përballej me turmën dhe bëri atë teatrin që bëri dhe e nxorrën prap si mi.
E pyetën a do të hash drekë, tha jo, në aeroport, udha e mbarë.
Kjo është për turp e faqe të zezë.
E treta. Për çfarë janë shpikur qeveritë mes shteteve. Janë shpikur që të bisedojnë më njeri tjetrin për të mirën e popujve.
As shqiptarët as grekët nuk kanë hajër nëse qeveritë e tyre zihen. Nuk u zgjidhën problemet me mitingje’, tha Ylli Manjanië në SYRI TV.
