Ministrja e Jashtme e Kosovës, Donika Gërvalla në një intervistë për Syri tv nuk pranoi të komentojë veprimet e kryeministrit të Shqipërisë Edi Rama, për shkak të pozicionit të saj, por nuk e la edhe pa e thënë një “thumb” për të.
Gërvalla deklaroi se çdo zyrtari nga Shqipëria ia kujton se rruga si gjeografikisht edhe politikisht nga Tirana në Beograd kalon gjithmonë nëpër Prishtinë. Sipas saj, kush nuk e kupton këtë, nuk ka kuptuar asgjë.
“Kryeministri i Shqipërisë mund të bëjë shumë më tepër. Dua të them një fjali që ua them të gjithë zyrtarëve nga Shqipëria; mos harroni asnjëherë që rruga nga Tirana në Beograd gjithmonë kalon nëpër Prishtinë, edhe gjeografikisht, por edhe politikisht. Politikanët të cilët nuk e kuptojnë që rruga Tiranë-Beograd kalon nëpër Prishtinë, nuk kanë kuptuar asgjë nga gjeopolitika dhe interesat e të gjithë shqiptarëve të rajonit tonë”, tha Donika Gërvalla
