Seanca e sotme parlamentare në Kuvend do të nisë me inteprelancën e kërkuar nga PD e Lulzim Bashës me ministrin e Drejtësisë, Ulsi Manja, ku ky i fundit do të japë “llogari”, të miratuar disa javë më parë në Kuvend.
Lulzim Basha akuzon mazhorancën se ka bërë pazare me Gazment Bardhin për të liruar zyrtarët e dënuar për korrupsion që janë dënuar nga GJKKO. PD e Lulzim Bashës e konsideron këtë akt si një goditje ndaj reformës në drejtësi.
Ndërkohë, si Ulsi Manja dhe Gazment Bardhi vazhdojnë të këmbëngulin se nga amnistia nuk kanë përfituar zyrtarët e dënuar për korrupsion. Po, e vërteta është ndryshe.
Struktura e Posaçme Anti-Korrupsion (SPAK), në një njoftim zyrtar të shpërndarë për publikun, deklaroi se përfitues nga Amnistia janë të paktën 80 persona, subjekte të hetimit të tij. Edhe SPAK u tregua disi “politikisht korrket”, kur përmend se në listën e përfituesve janë persona të hetuar apo dënuar për veprën penale të “ushtrimit të ndikimit të paligjshëm”. Ndërkohë, e vërteta është që përfitues nga Amnistia “Manja-Bardhi” janë edhe zyrtarë të dënuar për korrupsion.
Prokurorë, gjyqtarë, zyrtarë në rang drejtori e të niveleve të mesme administrative, të dënuar për korrupsion, shpërdorim detyre e shkelje të barazisë në tendera, kanë përfituar ulje dënimi në bazë të aministisë.
Ndërkohë, gjatë seancës së sotme plenare pritet të ratifikohen dhe tre marrëveshje.
Fillimisht marrëveshja e huas ndërmjet Republikës së Shqipërisë (huamarrësi), përfaqësuar nga Ministria e Financave dhe Ekonomisë, dhe KFW Frankfurt am Main (KfW), për financimin e projektit “Transporti i gjelbër i Tiranës””.
Më pas do të votohet ratifikimi i marrëveshjes ndërmjet Republikës së Shqipërisë dhe Bashkimit Evropian për pjesëmarrjen e Republikës së Shqipërisë në programin “Qytetarët, barazia, të drejtat dhe vlerat””.
Në fund është dhe ratifikimi i Konventës Lubjanë – Hagë për Bashkëpunimin Ndërkombëtar për Hetimin dhe Ndjekjen Penale të Krimit të Gjenocidit, Krimeve kundër Njerëzimit, Krimeve të Luftës dhe Krimeve të Tjera Ndërkombëtare”.
RENDI I DITËS
